بهەلکەفتا 1ی ئەیارێلقێ 18 پیروزباهیان ئاراسته‌ی كرێكارێنكوردستانێ دكه‌ت

لقێ 18 ی پارتی دیموکراتی کوردستان ب هەلکەفتا ئێکی ئەیارێ جەژنا کرێکاران یا جیهانی بروسکەک بەلاڤکریە وتێدا ئەڤ جەژنە ل ڤێ تەخا مەزن و گرنگ پیروزکریە و ئەڤا ل خارێ تێکستا وێ یە :-

بهه‌لكه‌فتا هاتنا جه‌ژنا كریكارێن جیهانێ گه‌رمترین پیروزباهیان ئاراسته‌ی سه‌رجه‌م كرێكارێن كوردستانێ دكه‌ین و جه‌ژنا وان پیروز دكه‌ین ئه‌وێن وه‌ك نه‌ریته‌كێ سالانه‌ ودناڤ سه‌قایێ جوانێ كوردستانێدا رێوره‌سمێن ڤێ جه‌ژنێ دگێرن و ڤێ بیره‌وه‌ریێ ساخ دكه‌ن، كو دروژه‌كا وه‌كو ئه‌ڤرودا ئانكو لرێكه‌فتی (1/5/1889) بو ئێكه‌مین جار چینا كاركه‌رێن جیهانێ سه‌رهلدان كر ل چه‌ندین باژێرێن ویلایەتێن ئێكگرتییێن ئه‌مریكی بدژی كه‌تخوریا چینا سه‌رمایه‌دارا،دئه‌نجامدا بتوندی ئه‌ڤ سه‌رهلدانه‌ هاته‌ سه‌ركوتكرن و بسه‌دان پاله‌ژی بوونه‌ قوربان لێ ده‌سكه‌فتێن پر بها هاتنه‌ بده‌ستڤه‌ ئینان ژوان زێده‌كرنا كرێیا كاری و كێم كرنا ده‌مێ كاری بو (8) هه‌شت ده‌مژمێران، له‌وما پشتی خه‌باته‌كا دویرو درێژ و زنجیره‌كا سه‌رهلدان و شورەشێن بزاڤا جیهانی یا چینا كاركه‌را ئه‌ڤ روژه‌ هاته‌ په‌سه‌ند كرن دبه‌لگه‌نامێن رێكخراوێن نیف ده‌وله‌تیدا وه‌ك جه‌ژنا جیهانیا كاركه‌ران و پرانیا مافێن وان هاتنه‌ قه‌بوولكرن،دئه‌گه‌رێدا وه‌رچه‌رخانه‌ك دهوندرێ كومه‌لگه‌هێ نیف ده‌وله‌تیدا په‌یدا بوو، هیڤیا مه‌ ئه‌وه‌ ئه‌ڤ هه‌لكه‌فتا پیروز ببیته‌ هانده‌ره‌ك ژبو چه‌سپاندنا عه‌داله‌تا جڤاكی و موكوم كرنا گیانێ لێبورینێ و پێكڤه‌ ژیانێ دناڤبه‌را هه‌می ته‌خ و چینێن كومه‌لگه‌هێ كوردستانێدا ژبو دابین كرنا ژیانه‌كا به‌خته‌وه‌ر، دوباره‌ ئه‌ڤ هه‌لكه‌فته‌ لهه‌می خه‌لكێ كوردستانێ پیروز بیت .