شاندێ لقێ 18 به‌شداریێ د روژێن دانه‌نیاسینا دهوکێ ل ئامه‌دێ دا دکه‌ت

ئه‌حمه‌د ئه‌دنی - ئامه‌د/ شاندێ ئامێدیی ب سه‌روكایه‌تیا به‌رێز فه‌ریق فاروق به‌رسێ لقێ 18، شڤان ئامێدی كارگیرێ لقێ، جاڤشین به‌پرسێ لیژنا ناوچا كانی ماسێ به‌شداریی د روژێن دانەنیاسینا دهوكێ ل ئامه‌دی دا دكه‌ن ل روژێن 25،26،27/4/2013.

ل ژێر دروشمێ سورێ ئامه‌دی دهوكا ره‌نگێن هه‌مبیز دكه‌ت، ب ئاماده‌بونا فه‌ریق فاروق به‌رپرسێ لقێ 18، بوتان محسن قایمقامێ قه‌زا دهوكێ، شوكت محمد امین سه‌روكێ شاره‌داریا دهوكێ، عبدالله ده‌مر باش سه‌روكێ شاره‌داریا سورێ ئامه‌دێ،عبید الله داود رێڤه‌به‌رێ گه‌شت و گوزارێ ل دهوكێ، د.حسن ئه‌حمه‌د قاسم رێڤه‌به‌رێ شینواران ل دهوكێ هەروسان سه‌روكێن شاره‌داریا روژهه‌لات و روژئاڤا و سه‌روكێ شاره‌داریا ئاكرێ،عیسی نسری سه‌روكێ سەندیکا كاركه‌رێن کوردستانێ تایێ دهوكێ وچه‌ندین هونه‌رمه‌ند و روژنامه‌ڤان و نڤێسه‌ر و وه‌رزشڤانێن باژێرێ دهوكێ روژانێن دانەنیاسینا دهوكێ ل ئامه‌دێ ل ده‌مژمێر 11 سپێدێ ل ناڤه‌ندا جه‌گه‌رخوین یا چاند و هونه‌ری ل ئامه‌دێ ده‌ست پێكر و ل گور به‌رنامێ هاتیه‌ داریشتن بو ده‌مێ سێ روژان یا به‌رده‌وام بو .

لده‌ست پێكێ په‌یڤه‌ك ژ لایێ فه‌ریق فاروق به‌رپرسێ لقێ 18 ل هولا ناڤه‌ندا جه‌گه‌ر خوین یا چاند و هونەری‌ هاته‌ خاندن تێدا به‌حسی گرنیكا خورتكرنا په‌ه‌یوه‌نیان دناڤبه‌را دهوكێ وئامه‌دی دا و ئێكگرتنا ملله‌تی كورد تەوەرەکێ دی ێی پەیڤا وی بوو هیڤی خواست ئه‌ڤ ره‌نگه‌ چالاكیه‌ دبه‌رده‌وام بن نه‌ بتنی ژ ئالیێ روشه‌نبیری و هونه‌ری وه‌رزشیڤه‌ به‌لكو ژ ئالیی سیاسی جڤاكی ژی ڤه‌ .پاشی فه‌ریق فاروق و شاندی دگه‌ل دا سه‌ره‌دانا شاره‌داریا سورێن ئامه‌دی كرن د رینشتنه‌كێ دا به‌حسێ ئاڤه‌دانی و پێشكه‌فتنا هه‌ریما كوردستانێ ژ هه‌می ئالیان ڤه‌ هاته‌ كرن، پاشێ سه‌ره‌دانا شاره‌داریا قایاینه‌ر هه‌ر ل ئامه‌دێ هاته‌كرن و ژلایێ مه‌حمود داغ جێگرێ شاره‌داری هاتن پێشه‌وازی كرن و هند دیاری ژ ئالیێ هه‌ر دوو لایانڤه‌ هاتن پارڤه‌كرن، لدیفدا شاندێ لقێ 18 سه‌ره‌دانا پارتیا جڤاتا كونگرا دیموكراتیك‌ كرن و ژ لایێ سیدی فرات ئه‌ندامی جڤاتی هاتن پیشه‌وازی كرن . لدیفدا شاندێ دهوكێ سه‌ره‌دانا شاره‌داریا مه‌زن كرن و ژ لایێ ئوسمان بایده‌مر سه‌روكێ شاره‌داریا مه‌زن ب گولان هاتن پێشه‌وازی كرن، هه‌ر دیسان شاندێ لقێ 18 سه‌ردانا ژورا بازرگانی یا ئامه‌دی كرن و به‌شداری د پیشانگه‌هه‌كا چاندێ كرن، پاشی سه‌رەدانا هه‌ر ئیك ژ پارتیێن B.D.PوD.D.Pكرنو ئه‌ڤ سه‌ره‌دانە ژ ئالیی هه‌ردو ئالایان ڤه‌ بگرنگی هاتن وسف كرن . پاشێ شاندێ ناڤبری به‌شداری د كونسیرتا كوچكا ده‌نگبێژان دا كرن و گوهداریا ده‌نگبێژین ئامه‌دێ كرن و دیاری ژ لایێ شاندی ڤه‌ لسه‌ر ده‌نگ بێژان هاتن دابه‌شكرن . ژ ئالیه‌كێ دیڤه‌ چه‌ندین چالاكیێن هونه‌ری و وه‌رزشی كونسیرته‌كا موزیكێ ل گوره‌پانا ده‌رقاپێ بو هونه‌رمه‌ندین دهوكێ هاته‌ سازكرن .