پێشانگەهەكا فولكلوری وكلتوری ل ئامادەیا دێرەلۆك هاتە ڤەكرن

پێشانگەهەكا فولوكلوری ژلایێ لژنا قوتابیێن ئامادەیا دێرەلۆك یا تێكەل ب هەلكەفتا دەرباز بوونا 39 سالان ل هولا ئامادەیا ناڤبری ل ژێر سەرپەرشتیا (بەهمەن ئەحمەد) رێڤەبەرێ ناحیا دێرەلۆك و ب ئامادەبوونا (لقمان عمر یاسین)رێڤەبەرێ پەروەردا ئامێدیێ و(رەمەزان هورەیی) بەرپرسێ لیژنا ناوچا دێرەلوكێ هاتە ڤەكرن.

ماموستا فازل سەلام رێڤەبەرێ ئامادەیا دێرەلۆك بۆkdp.infoدیاركر، كو وان ب هەلكەفتا دەرباز بوونا 39 سالا ل سەر بوردومانكرنا زانینگەها سلێمانیێ ل باژێرێ قەلادزێ فەردیت ڤێ پێشانگەها فولوكلوری یا زانستی ڤەكەن و گۆت: ( ئەڤ پێشانگەهە پێك دهات ژ چەندین كەلوپەلێن فولوكلوری یێن كەڤن كو دكەڤندا ژلایێ خەلكێ دەڤەرێ ڤە دهاتنە ب كارئینان و هەروەسا چەندین خارنێن فولوكلوری دڤێ پێشانگەهێ دا هاتن نیشاندان).

ناڤبری دیاركر، ئەڤ پێشانگەهە ژلایێ لژنا قوتابییان ڤە هات بوو ڤەكرن پتر ژ 100 قوتابیان بەشداری تێدا كربوو و گۆت: ( هەژمارەكا زۆرا فولوكلوری دەڤەرێ یی كورد و ئاشوری یان هاتە نیشاندان ).

ناڤبری سوپاسیا خەلكێ گوندێ سەرگەلێ ژی كر كو هاریكاریا وان كریە بۆ دابینكرنا هەژمارەكا زۆرا كەلو پەلێن فولوكلوری.