بەیانناما لقا ١٨ بهەلکەفتا سالروژا کارەساتا قەلادزێ یا دلتەزین

بهەلکەفتا سەلڤەگەرا بومبەبارانکرنا قەلادزێ ژ لایێ رژێما بەعسا فاشی ڤە لقێ ١٨ ی پارتی دیموکراتی کوردستان بەیاننامەک بەلاڤکریە وئەڤا ل خارێ تێکستا وێ یە :-

بهه‌لكه‌فتا بیره‌وه‌ریا كاره‌ساتا جه‌رگبرا باژێرێ (قه‌لادزێ) ژلایێ فروكێن جه‌نگیێن رژێما گوربه‌گورا (سەدام حسێنی) ڤه‌ ل 24/4/1974 سه‌رێ رێزو نه‌وازشی بو شه‌هیدێن ڤێ كاره‌ساتێ و ته‌ڤایا شه‌هیدێن بزاڤا ئازادی خوازیا گه‌لێ كوردستانێ دچه‌مینینكو دروژه‌كا وه‌كو ئه‌ڤرو دا و ژ نیشكه‌كێ ڤه‌ فروكێن رژێما عیراقێ یا وی سه‌رده‌می بره‌نگه‌كێ هوڤانه‌ هێرش كره‌ سه‌ر باژێرێ (قه‌لادزێ ) د ده‌مه‌كێدا كو قوتابی دناڤ خاندنگه‌هێدا دمژیلی خواندنێ بوون زور ب درندانه‌ هاتنه‌ بومبه‌بارانكرن دئه‌نجامدا بده‌هان قوتابێن بێ گونه‌هـ هاتنه‌ شه‌هید كرن و برینداركرن؟

بێ گومان ئه‌ڤه‌ ئیكه‌م تاوان نه‌بوو بدژی خه‌لكێ كوردستانێ هاتیه‌ ئه‌نجامدان به‌لكو ئه‌ڤه‌ تاوانه‌كە ژ زنجیره‌ تاوانێن مه‌زنتر ئه‌وێن رژێمێن گوربه‌گورێن ئێك ل دویف ئێكێ بدژی گه‌لێ كوردستانێ ئه‌نجامداین د ئه‌گه‌رێدا بسه‌دان هه‌زار هاولاتیێن كوردستانێ یێن بێ گونه‌هـ ل سه‌ر ئاخا باب و باپیران بووینه‌ قوربان .

له‌وما بڤێ هه‌لكه‌فتێ ئه‌م سلاڤا دهنێرین بو كه‌س و كارێن شه‌هیدێن ڤێ كاره‌ساتێ هیڤیا مه‌ ئه‌وه‌ ئه‌ف هه‌لكه‌فته‌ ببیته‌ هانده‌ره‌ك ژ بو پاراستنا ئیكرێزیا خه‌لكێ كوردستانێ د ئێك چه‌په‌ردا پێخه‌مه‌ت پاراستنا وان ده‌سكه‌فتیان ئه‌وێن بخوینا گه‌شا شه‌هیدێن كوردستانێ هاتینه‌ بده‌ستڤه‌ ئینان.