بهه‌لکه‌فتا(115)سالیا روژنامه‌گه‌ریا کوردی ئاهه‌نگه‌کا رێزلێنانێ بو هژماره‌کا روژنامه‌ڤانێن ده‌ڤه‌را ئامێدێ هاته‌گێران

دهوك- KDP.info/ ل ژێرچاڤدێریاهێژا(حسین خالد)قایمقامێ قه‌زائامێدیێ وبهه‌لکه‌فتا(115)سالیا روژنامه‌گه‌ریا کوردی سه‌ندیکا روژنامه‌نڤیسێن کوردستانێ - نڤیسینگه‌ها ئامێدیێ بهه‌فکاری دگه‌ل سه‌نته‌رێ ڕه‌وشه‌نبیری و رێڤه‌به‌ریا ره‌وشه‌نبیری و هونه‌ری ل ئامێدیێ ئه‌ڤ بیره‌وه‌ریه‌ساخکر ب گێرانا ئاهه‌نگه‌کا رێزلێنانێ بو هژماره‌کا روژنامه‌ڤانێن ده‌ڤه‌را ئامێدێ ژ ده‌زگه‌هێن جودا جودا ل هولا سه‌نته‌رێ ره‌وشه‌نبیری ل روژا ئێک شه‌مبی 21-4-2013 .

 ب به‌رهه‌فبونا هێژایان(فریق فاروق) به‌رپرسێ لقێ 18 یێ پارتی دیموکراتی کوردستان، حسێن خالد قایمقامێ قه‌زا ئامێدیێ، محمد محسن پێشمه‌رگێ دێرین و سه‌روکێ جڤاتا ئامێدیێ، رقیب محمود نوینه‌رێ سه‌ندیکا روژنامه‌ڤانێن کوردستانێ ل دهوکێ وهژماره‌کا زور ژ روژنامه‌ڤانێن ده‌فه‌رێ سالفه‌گه‌را روژنامه‌گه‌ریا کوردستانێ هاته‌ساخکرن .

 رێوره‌سمان بخوله‌که‌ک رێزگرتن بو گیانێ شه‌هیدێن کوردستانێ و سه‌رکاروانێ وان بارزانیێ نه‌مر و کاک ئیدریسێ هه‌رده‌م ساخ ده‌سپێکر لدویڤدا په‌یڤه‌ک ژلایێ قایمقامێ ئامێدیێ ڤه‌هاته‌خاندن وتێدا پیروزباهی ل ته‌ڤایا روژنامه‌ڤانان کر و به‌راوردیه‌ک دناڤبه‌را روژنامه‌ڤانیا ئه‌ڤرو یا لسه‌رده‌مێ شوره‌شێ کر.

لدویفدا په‌یڤا لقا 18 ژلایێ به‌رپرسێ لقێ فه‌هاته‌خاندن و تێدا هێژا (فاریق فاروق) ئه‌ف هه‌لکه‌فته‌بروژه‌کا گرنگ لقه‌له‌مدا و ل گه‌لێ کوردستانێ پیروزکر وپه‌سنا رولێ بنه‌مالا به‌درخانیان کر وده‌رێخستنا روژناما کوردستان ب وه‌چه‌رخانه‌‌کا دیروکی نیاسی وگوت روژنامه‌ڤانی کاره‌کێ پیروزه‌لێ فه‌ره‌بنافێ روژنامه‌ڤانیا ئازاد ئه‌و چارچوڤێ هاتیه‌ده‌ست نیشانکرن نه‌هێته‌به‌زاندن وبڤی ره‌نگی دێ پتر رێزهه‌بیت ولدوماهیا په‌یفا خودا گوت دڤێ روژێدا ئه‌م سه‌رێ رێزو رومه‌تێ دچه‌مینین بو هه‌می شه‌هیدێن روژنامه‌ڤان وخودانێ ئێکه‌م روژناما کوردی خه‌باتکه‌ر مقداد مدحت بدرخان، له‌وما‌ هه‌ر بفێ هه‌لکه‌فتێ وه‌ک ئه‌رکه‌ک مه‌لبه‌ری دوو روژان چه‌ندین ده‌زگه‌هێن راگه‌هاندنێ خه‌لاتکرن.

هه‌ر دناڤبه‌را ڤان برگاندا دیاریا لقێ 18 بو سه‌ندیکا روژنامه‌نڤیسێن کوردستانێ - نڤیسینگه‌ها ئامێدیێ ژلایێ به‌رپرسێ لقێ ڤه‌هاته‌پیشکێشکرن بو ( شریف محمد) به‌رپرسێ نڤیسینگه‌هێ.

 ل دویفدا هێژا (محمد محسن) روژنامه‌ڤان وپێشمه‌رگێ دێرین په‌خشانه‌ک ژێر ناڤێ خه‌ون وخه‌یال پێشکێش کر، دیسان په‌نه‌له‌ک دور روژناما کوردستان ژ لایێ (محمد عبدالله ئامێدی) ڤه‌هاته‌پێشکێش کرن وتێدا لدورقوناغێنروژناما کوردستان تێدا ده‌رباس بوی وروخسارو ئاسته‌نگ وبابه‌تێن وێ په‌یڤی. دناڤبه‌را فان برگاندا خه‌لاتێن سه‌ندیکا روژنامه‌نڤیسێن کوردستانێ - نڤیسینگه‌ها ئامێدیێ ژ لایێ هژماره‌کا به‌رهه‌ڤبوویان ڤه‌لسه‌رهژماره‌کا زور ژ روژنامه‌ڤنێن ده‌ڤه‌را ئامێدیێ یێندگه‌ل ده‌زگه‌هێن راگه‌هاندنێ یێن جودا جودا کار دکه‌ن هاتن به‌لاڤکرن .‌