شاندەێ لقا 18 چەژنا چارشەمبا سور ل کوردێن ئێزدی پیروز کر

بمەرما پێشکێشکرنا پیروزباهیان بهەلکەفتا جەژنێ و پشكداری كرن د خوشی و هه‌لكه‌فتێن وان دا شانده‌كێ لقێ 18 ی پارتی دیموکراتی کوردستان سەرا چەندین دەڤەرێن کوردێن ئێزدی لێ ئاکنجی و هژمارەکا کەسایتیان کر ل روژا چارشەمبی رێکەفتی 17-4-2013 .

 هێژا (فریق فاروق) بەرپرسێ لقێ 18، دگەلدا ابراهیم احمد و کوردستان هورەیی کارگێرێن لقێ سه‌ره‌دانا هژمارەکا باژیرک و کومەلگەهـ وگوندێن کوردێن ئێزدی ل نیشتەجێ و بنگەهێ لالش – نڤیسینگەها دهوک کر وبناڤێ لقێ 18 و خەلکێ دەڤەرا ئامیدیێ پیرۆزباهیێن جه‌ژنێ پێشكێشكرن . شاندێ ناڤهاتی سەرا هەرئێک ژ (میر ته‌حسین به‌گ میرێ ئێزدیان ل كوردستانێ و عیراقێ و جیهانێ، بابا شێخ سە‌رۆكێ روحانی یێ ئاینێ ئێزدیان، میر كامیران به‌گ ئه‌ندامێ به‌رێ یێ په‌رله‌مانێ عیراقێ، دکتور خەیری بوزانی، نایف سینی وهژمارەکا دی یا خێزانێن ئێزادیان) کر، و ب گەرمی هاتن پێشوازیکرن و سوپاسیا وان هات کرن بو ڤێ سەرەدانێ و پشکداریکرن دهەلکەفت وبیرەوەریێن ئێزدیان دا ولێ پیروزکرنا جەژنێ .

دڤان سەرەدانان یێن ئەڤرو 17ی مەها نیسانێ ب هەلکەفتا جەژنا چارشەمبا سور وسەرسالا کوردێن ئێزدی هاتین ئەنجامدان شاندێ لقێ 18 دلخوشیا خو دیار كر دەربارەی پشكداری كرنا هه‌می ته‌خ و چینێن ئاین و نه‌ته‌وێن كوردستانێ د جه‌ژنێن هەڤدوو دا و ڤێ جەژنا برایێن ئیزدی دا، و هیڤی خاستن ئه‌ڤ چەندە ببنە پالدەرەک بو ئاشتیێ و بجهـ هاتنا هەمی هیڤیان .