فیسته‌ڤالا گوره‌پان و مه‌یدانێ یا په‌روه‌ردا ئامێدیێ ب داوی هات

ئامێدی تایبەت ب -  KDP.info/  ب پشكداریا ته‌ڤایا قوتابخانه‌یێن سه‌ر ب په‌روه‌ردا قه‌زا ئامێدیێ و ل ژێر سه‌رپه‌شتیا قایمقامیا قه‌زا ئامێدیێ و ب ئامادبوونا هێژایان (فریق فاروق) بەرپرسێ لقێ ١٨ ی پارتی دیموکراتی کوردستان ، رێڤه‌به‌رێ گشتی یێ په‌روه‌ردا پارێزگه‌ها دهوكێ و رێڤه‌به‌رێ په‌روه‌ردا قه‌زا ئامێدیێ فیسته‌ڤالا وه‌رزشی یا یاریێن گورپان و مه‌یدانێ یێن قوتابخانه‌یێن سه‌ر ب په‌روه‌ردا قه‌زا ئامێدیێ ل رۆژا دووشه‌مبی 15/4/2013 رێڤه‌ چوو و دیاری و خه‌لات ب سه‌ر سه‌ركه‌فتیێن ئێكێ و دوویێ و سێ دا هاتن دابه‌شكرن.
شیروان میرگه‌تی به‌رپرسێ راگه‌هاندنا په‌روه‌ردا ئامێدیێ دیاركر، كو ته‌ڤایا قوتابخانه‌یێن بنه‌ره‌تی  و ئاماده‌یی یێن سه‌ر ب په‌روه‌ردا قه‌زا ئامێدیێ ڤه‌ به‌شداری د ڤێ فیسته‌ڤالێ دا كریه‌ و گۆت: ( ل سه‌ر ئاستێ قوتابخانه‌یێن بنه‌ره‌تی یێن كوران ئێكێ تا شه‌شی قوتابخانه‌یێن (نه‌مران ب 40 خالان، ره‌ڤه‌ند ب 34 خالان و رۆژ ب 30 خالان) وه‌ك ده‌رچویێن ئێكێ و دوویێ و سێ ل دووڤ ئێك سه‌ركه‌فتن وقوتابی سه‌فین نه‌سرولله‌ ژ قوتابخانه‌یا رۆژ ب 18 خالان بۆ قاره‌مانێ گوره‌پان و مه‌یدانێ).
هه‌روه‌سا ناڤبری دیاركر، قوتابخانه‌یێن سه‌ركه‌فتی یێن بنه‌ره‌تی یێن كچان ئێكێ تا شه‌شی قوتابخانه‌یێن ( قه‌دش، ره‌ڤه‌ند و ئیسفكا) ب (33، 27 و 20) خالان بوونه‌ ده‌رچویێن ئێكێ و دوویێ و سێ یێ قوتابی دلڤین ئه‌حمه‌د ژ قوتابخانه‌یا قه‌دشێ ب 19 خالان بۆ قاره‌مانا گوره‌پان و مه‌یدانێ.
و قوتابخانه‌یێن بنه‌ره‌تی یێن كچان  حه‌فتێ تا نه‌هێ قوتابخانا فیدرال ب 64 خالان بۆ ده‌رچوویا ئێكێ و هزرباش ب 48 خالان و ئاینده‌ ب 35 خالان بوونه‌ ده‌رچوویێن دوویێ  و سێ یێ و قوتابی ئامه‌د نوره‌دین ل قوتابخانه‌یا هزرباش ب 15 خالان بۆ قاره‌مانێ گوره‌پان و مه‌یدانێ.
هه‌ره‌وسا ل سه‌ر ئاستێ ئاماده‌یی یێن كوران ئاماده‌یا دێره‌لۆك ب 80 خالان ناسناڤێ فیسته‌ڤالێ ب ده‌ست ڤه‌ ئینا ب ئێكه‌م ده‌رچو و قوتابی ئیسماعیل خه‌لیل بۆ قاره‌مانێ مه‌یدانێ و ل سه‌ر ئاستێ ئاماده‌یێن كچان ژی ئاماده‌یا ریبار ب 51 خالان یا ئێكێ ده‌رچو  و هه‌رسێ قوتابی ( سیلاڤ ئیبراهیم و ئه‌فسانه‌ وه‌لید و شه‌یدا ماجد) ب هه‌ڤپشكی بوونه‌ قاره‌مانێن مه‌یدانێ .