گهورینكاری دناڤا بەرپرسێن لژنەیێن سەر ب لقێ 18 ڤە دهێنە كرن

دێرەلوك-KDP.info/ د بەردەوامیا وان گوهەرتنێن دناڤ رێخستێن پارتی دا دهێنە كرن و د رێ و رەسەمەكێ دا و ب بەرهەڤبوونا بەرپرسێ رێخستنا لقێ هەژدە و هەژمارەكا بەرپرسێن حزبی و حكومی و ریه سپی و ماقوولێن دەڤەرێ بەرپرسێن لژنەیێن دێرەلۆك و شێلادزێ ل هولا لژنەیا دێرەلۆك ل رۆژا سێ شەمبی 16/4/2013 لێك هاتنە گوهەرتن و هەریەكێ ل جهێ خوە یێ نوو دەست ب كارێ خوەكر.

موسا كیستەی بەرپرسێ رێكخستا لقێ هەژدە یا پارتی دیموكراتی كوردستان بو kdp.infoدیاركر، كو مەبەست ژ ڤان گوهەرتنا ئەو نەبوویە كو ئەڤ كەسێن هاتینە گوهەرین نەشیانە ئەركێ خوە ب جه بینن و گۆت: ( بەلكوو گەلەك هەڤالێن مە ژ بەر كو د كارێ خوە یێن سەركەفتی بوون و ل جهەكێ دی پێدڤی پێ هەیە مە ئەڤ گهورنكاریە ئەنجامداینە).

و خویاكر، كو دڤان گوهەرتنان محەمە سەلیم بەرپرسێ لژنا دێرەلۆك هاتە ڤەگوهاستن بۆ لژنا ناوچا شێلادزێ و ل جهێ وی رەمەزان هورەی بەرپرسێ لژنا ناوچا شێلادزێ وەك بەرپرسێ نوو یێ لژنا ناوچا دێرەلۆك دەست ب كار بوو.

ناڤبری زێدەباری وێ یەكێ كو داخازا سەركەفتنێ بۆ هەردوو بەرپرسێن لژنەیێن نوو خواستن گۆت: ( كو ئەڤ گورانكاریە ل سەر ئاستێ لژنەیا بتنێ نابن بەلكوو دێ رێكخراو جهێن دیتر ژی ب خوە گرن و ئەڤ یەكە ژی ب پێنگاڤا باش دا زانین دناڤ رێكخستنا پارتی دا).