فیستەڤالا وەرزشی ێن قوتابخانێن ئامێدیێ بدوماهی هات

 ئامێدیێ-KDP.info/دوهی ب پشكداریا سەرجەم قوتابخانێن سنورێ پەروەردا قەزا ئامیدیێ ڤیستەڤالا وەرزشی یا یاریێن مەیدانی ب ئامادەبونا (حسێن خالد ) قایمققامێ قەزا ئامێدیی و(فەریق فاروق) بەرپرسێ لقێ 18 (لقمان عمر یاسین) رێڤەبەرێ پەروەردا قەزا ئامێدیێ وژمارەكا زورا ماموستا حەژیكەریێن یاریێن مەیدانی بدوماهی هات .

 

دەستهەل سەعید ئێك ژ چاڤدیرێن ڤیستڤالێ بو kdp.infoدیاركر، لسەر ئاستێ قوتابخانێن بنەرەتی ێن كچان ئێكێ هەتا شەشێ قوتابخانا قەدش بو سەركەفتیا ئێكی وقوتابیا قوتابخانا قەدش دلفین ئەحمەد بو قارەمانا مەیدانێ،و ل حەفتی تا نەهێ قوتابخانا فیدرال ب رێزا ئیكی هات وقوتابی ئامەد نورەددین ژ قوتابخانا هزر باش بو قارەمانا مەیدانێ . ولسەرئاستێ قوتابخانێن بنەرەتی ێن كوران قوتابخانا نەمران ب رێزا ئیكێ هات وقوتابیێ قوتابخانا روژ سەفین نەسروللا بو قارەمانێ مەیدانێ .

ولسەر ئاستێ ئامادەیێن كوران وكچان ئامادەیا دێرەلوك یا كوران بو دەرچویا ئێكێ وقوتابی ئیسماعیل خلیل ل ئامادەیا دێرەلوك بو قارەمانێ مەیدانی وئامادەیا ریبار یا كچان بو سەركەفتیا ئێكێ وسێ قوتابی ژوانا سیلاف ئیبراهیم ئەفسانە وەلید وشەیدا ماجد بونە قارەمانێن مەیدانێ .