كورەكێ ماتەمینی بو سێ شەهیدێن پیشمەرگە دهێتە گێران

شنگال- تایبەت ب  KDP.info/  ئەڤرو پێنچ سال لسەر تیرورکرنا ١٤ پێشمەرگەهێن هێزا کوماندو ڤە دبوریت ئەوا ل رێکەفتی ( ١٤ / ٤ / ٢٠٠٨ ) ێ ل گوندێ رەحمانی یە و ناحیا رەبیعە ل قەزا شنگال هاتی یە ئەنجامدان . ئەڤرو ل دەمژمێر ٤ ی ئێڤاری رێ و رەسمەکێ ماتەمینی بو سێ ژ وان شەهیدان (شەهید گەلیار ئەنوەر شورو و شەهید وەحید رەمەزان محمد و شەهید کامیران عبدالرحمن دوسکی ) ل هولا هەلکەفتێن تەناهی هاتە ئەنجامدان . ب بەرهەڤبونا رێزدار د. حمید باڤی ئەندام پەرلەمانێ عیراقا فیدرال و نوێنەرێ قائیمقامێ قەزا سێمێلێ هێژا اسماعیل هاجانی و بەرپرسێ لیژنا ناوجا سێمێلێ هێژا یوسف سەبری و نوێنەرێ لیژنا ناوچا تەناهی هێژا صباح خلف و نوێنەرێ لیژنا ناوچا فەیدیێ و بەرپرسێ لیژنا ناوچا بەرخودان هێژا دیار فەتاح گولی و باژێرڤانیا تەناهی و رێکخراوێن حیزبی و جەماوەری و دام ودەزگایێن دیترێن دەڤەرێ و مالبات و کەس و کارێن شەهیدان و ریسپی و پیاو ماقیلێن باژێرکێ تەناهی .

 هەكار محم ئەمین بەرپرسێ سەنتەرێ تەناهی یێ رەوشەنبیری بو kdp.infoدیاركر،مە بفەردیت ئەم ئەڤی كورێ ماتەمینی بو ئەڤان هەر سێ شەهێدێن هێزا كوماندو بگیرین  داكو رول و خەباتا وان نەهێتە ژبیركرن و ئەڤ رێ و رەسمە بو ماوێ ( ٢ ) دەمژمێران درێژە هەبو کو تێدا پەیڤەک ژلایێ نوێنەرێ هەرێمدارێ قەزا سێمێلێ ڤە هاتە خواند و پاشان پەیڤا کەس و کارێن شەهیدێن سەربەرز و دیفدا چەندین هوزان و هەلبەستێن نەتەوەیی ژلایێ هوزانڤانێ بەرنیاس (برهان زێباری ) ڤە هاتنە خواندن و پاشان کورتییەک ژ ژیانا هەرسێ جوانەمەرگان هاتە خواندن و فلمەکێ دیکومێنتی هاتە پێشکێشکرن کو پێک هاتبو ژ وێنەیێن شەهیدان و کورتە فلمەکێ شەهیدبونا وان.