هژماره‌کا روژنامه‌ڤانێن ده‌ڤه‌را ئامێدیێ دخوله‌کا روژنامه‌ڤانیدا

ئامێدیێ- KDP.info/ خوله‌کا بهێزکرنا شیانان دبوراێ نڤیسینا نووچه‌یاندا بو (15) روژنامه‌ڤانان لسه‌نته‌رێ ره‌وشه‌نبیریێ ئامێدیێ ژلایێ نڤیسینگه‌ها ره‌وشه‌نبیری و راگه‌هاندنا لقێ 18 ڤه‌ هاته‌ ڤه‌کرن ل روژا چارشه‌مبی رێکه‌فتی 10/4/2013 .

عه‌لی رێکانی رێڤه‌به‌رێ خولێ ده‌رباره‌ی ڤێ خولێ ب ڤی ره‌نگی بو مالپه‌رێ لقێ 18 په‌یڤی : (ل دویڤ بریارا هێژا فریق فاروق به‌رپرسێ لقێ 18 ی پارتی دیموکراتی کوردستان ژبو خورتکرنا شیانێن ستافێ به‌شێن راگه‌هاندنێ ل لیژنێن سه‌ر ب لقێ ڤه‌ دبوارێ روژنامه‌ڤانیدا وب تایبه‌ت دور چه‌وانیا نڤیسینا نوچه‌یان و پشتی مالپه‌رێ نویێ لقێ که‌فتیه‌ کاری نڤیسینگه‌ها ره‌وشه‌نبیری و راگه‌هاندنا لقێ بفه‌ر زانی ئه‌ڤرو ڤێ خولێ ڤه‌که‌ت ، 15 که‌سان به‌شداری دخولێدا کر و چه‌ندین وانه‌ ژلایێ ماموستایێ خولێ (مه‌حمود تا‌ها) بشێوازێ وورک شوپێ هاتن گوتن و وانه‌ک ژ لایێ رێڤه‌به‌رێ مالپه‌ریڤه‌ هاته‌ گوتن و چه‌ندین ته‌وه‌رێن گرنگ بخوڤه‌ گرتن مینا بنه‌مایێن نووچه‌ی ، شێوازێ دارشتنێ ، چه‌وانیا هه‌لبژارتنا مانشێته‌کێ گونجای ، جوداهی دناڤبه‌را نووچه‌ وراپورتان وشاشیێن په‌یامنێر دکه‌ڤنێ ، زێده‌بارێ چه‌وانیا هنارتنا نوچه‌یان بو مالپه‌ری .و بریاره‌ ل ڤان نێزیکان خوله‌کا دی لدور راپورت ودیداران بهێته‌ ڤه‌کرن و ل دویڤ راپرسیا هه‌لسه‌نگاندنێ یا ل دوماهیا خولێ هاتیه‌ ئه‌نجامدان وانه‌بێژ یێ سه‌رکه‌فتی بو دکارێ خودا و به‌شداران مفایه‌کێ باش ژێ وه‌رگرتیه‌).