ریهسپی و که‌سایه‌تیێن کومه‌ڵگه‌ها قه‌دش سه‌را لقا 18 دا

روژا دووشه‌مبی رێکه‌فتی 8/3/2013 هژماره‌کا ریهسپی و ماقویل و که‌سایه‌تیێن کومه‌ڵگه‌ها قه‌دش بنوینه‌راتیا خه‌لکێ کومه‌ڵگه‌هێ سه‌را لقا 18ی پارتی دیموکراتی کوردستان دا و ژ لایێ هێژا (فریق فاروق) به‌رپرسێ لقێ 18 و (عگید شفیق) به‌رپرسێ لیژنا ناوچا سرسنک یا پارتی بگه‌رمی هاتنه‌ پێشه‌وازیکرن .

د رونشتنه‌کێدا ل نڤێسینگه‌ها به‌رپرسێ لقێ نوێنه‌رێن کومه‌ڵگه‌هێ سوپاسیا به‌رپرسێ لقێ کر بو وێ پشته‌ڤانیا تا نها لێ هاتیه‌ کرن کو د ئه‌نجامدا چه‌ندین پێتڤیێن کومه‌ڵگه‌هێ بجهـ هاتینه‌ و داخوازا پشته‌ڤانی و هاریکاریا لقێ کر ژبو بجهئینانا ئه‌وێن مایی کو دبه‌رده‌وامیا گه‌نگه‌شێدا هژماره‌کا دی یا کێم و کاسی وپێتڤیێن که‌مه‌ڵگه‌هێ هاتنه‌ به‌رچاڤکرن کو هه‌می دبه‌رژه‌وه‌ندییا گشتی دانه‌ .

ژلایێ خوڤه‌ به‌رپرسێ لقێ دوباره‌ پشته‌ڤانیا خو دیارکرن بو هه‌ر کاره‌کێ دبه‌رژه‌وه‌ندییا گشتی دا بیت و سوزدا هه‌می شیانان بمه‌زێخیت بو خزمه‌تکرنا خه‌لکی و هه‌ولدان بو نه‌هێلانا کێم وکاسیان کو ئه‌ڤه‌ ئێکه‌ ژ بنه‌مایێن رێبازا بارزانیێ نه‌مر و ئه‌رکه‌که‌ سه‌روکاتیا هه‌رێمێ و حکومه‌تێ هه‌می هه‌ولان دده‌ت بباشترین ئاست باشترین خزمه‌تگوزاری بو وه‌لاتیان دابین بکه‌ت، و داخواز ژێ کر به‌ردوام ئه‌وژی ب رێیا خو پێتڤی و کێم وکاسیان بو جهێن میری یێن په‌یوه‌ندیدار به‌رچاڤکه‌ن و ه‌ک نوینه‌رێن کومه‌لگه‌هێ .