سه‌لاح ده‌لو: پشتیوانى بەردەوامی هونه‌رمه‌ندان و ره‌وتى هونه‌رى كه‌ركووكین
كه‌ركووك- KDP.info/ له میانه‌ى پێشوازیكردنى له هونه‌رمه‌ندى دێرینى كه‌ركووك نۆڤه‌ر محیه‌دین،پێش نیوه‌ڕۆى ئه‌مڕۆ سه‌لاح ده‌لۆ به‌رپرسى ئه‌نجوومه‌نى سه‌ركردایه‌تى كه‌ركووك – گه‌رمیانى پارتى دیموكراتى كوردستان پشتیوانى خۆى و پارتى دیموكراتى كوردستانى بۆ هونه‌رمه‌ندانى كه‌ركووك دووپاتكرده‌وه.
كاتژمێر 10:00ى پێش نیوه‌ڕۆى ئه‌مڕۆ دووشه‌ممه 8 - نیسان - 2013 له باره‌گاى ئه‌نجوومه‌نى سه‌ركردایه‌تى كه‌ركووك سه‌لاح ده‌لۆ به‌رپرسى ئه‌نجوومه‌نى سه‌ركردایه‌تى كه‌ركووك – گه‌رمیانى پارتى دیموكراتى كوردستان پێشوازیكرد له نۆڤه‌ر محیه‌دین مامۆستاى موزیك و هونه‌رمه‌ندى دێرینى كه‌ركووك.
له دانیشتنێكى دۆستانه‌دا باس له ره‌وشى ژیان و بارودۆخى هونه‌رمه‌ندانى كه‌ركووك كرا و له لایه‌ن خۆیه‌وه سه‌لاح ده‌لۆ پشتیوانى خۆى بۆ باشتركردنى ژیانى هونه‌رمه‌ندانى كه‌ركووك و به‌ره‌و پێشبردنى كاروانى هونه‌رى كه‌ركووك ده‌ربڕى.
له به‌رامبه‌ریشدا مامۆستا نۆڤه‌ر محیه‌دین، كه له سه‌ره‌تاى ساڵى حه‌فتاكانى سه‌ده‌ى رابردووه‌وه خزمه‌تی ره‌وتى هونه‌رى كورد له كه‌ركووك ده‌كات، هیواى خواست ئه‌نجوومه‌نى سه‌ركردایه‌تى كه‌ركووك – گه‌رمیانى پارتى دیموكراتى كوردستان ئاوڕى جدى له ژیانى هونه‌رمه‌ندانى كه‌ركووك بداته‌وه.
هه‌روه‌ها سوپاسى به‌ڕێز به‌رپرسى ئه‌نجوومه‌نى سه‌ركردایه‌تى كه‌ركووك – گه‌رمیانى پارتى دیموكراتى كوردستانى كرد بۆ پشتیوانى و به‌ده‌مه‌وه هاتنى هونه‌رمه‌ندان و ئه‌و پێشوازییه گه‌رمه‌ى كه لێی كراوه و هیواى خواست به‌رده‌وام سه‌ركردایه‌تى پارتى له كه‌ركووك ده‌رگاى واڵا بێت بۆ هونه‌رمه‌ندان.
نۆڤه‌ر محیه‌دین له سه‌ره‌تاى حه‌فته‌كانى سه‌ده‌ى رابردوو، هاتووه‌ته ناو دنیاى هونه‌ره‌وه و وێڕاى كارى رێكخراوه‌یى و رێكخستن له ریزى پارتى دیموكراتى كوردستان و یه‌كێـتى لاوانى دیموكراتى كوردستاندا، ئه‌ندامى ده‌سته‌ى دامه‌زرێنه‌ى رادیۆى پێشكه‌وتن بووه و ئێستەش جێگرى به‌ڕێوبه‌رى (به‌ڕێوبه‌رایه‌تى رۆشنبیرى منداڵ – هه‌ولێر) و سه‌رپه‌رشتیارى تیپى موزیكى نه‌ورۆزى تایبه‌ت به منداڵانه و له چه‌ندین چالاكى و فیستیڤاڵى ناوخۆیى به‌شداری كردووه.
__2021_04_03_h23m18s5__JH.jpg)
