كێشه‌كا جڤاكی ب پشته‌ڤانی و هه‌ولێن لقا ئێك بدوماهی دهێت

ب ئاماده‌بونا پیاو ماقیل و كه‌سایه‌تیێن ده‌ڤه‌را دهوكێ درێو ره‌سمه‌كێ تایبه‌ت دا و ب حازربونا نونه‌رێ سه‌روكێ هه‌رێمێ شێخ عمران بارزانی و عبدالخالق بابیری ئه‌ندامێ ئه‌نجومه‌نێ سه‌ركردایه‌تیا پارتی دیموكراتی كوردستان و ل هولا لقا ئێك كێشه‌یا جڤاكی یا دناڤبه‌را بنه‌مالا محمد سلیم محمد امین چیچو زێباری و بنه‌مالا صلاح مجید عزیزخان ئاڤده‌ل زێباری هاته‌ بدوماهیك ئینان . 
دپه‌یڤه‌كێ دا نونه‌رێ سه‌روكی بال سه‌روكێ هه‌رێمێ په‌یڤه‌كێ پێشكێشی به‌رهه‌ڤبویان دكه‌ت و سلاڤێن سه‌روك بارزانی ل هه‌ردوو بنه‌مالان كرن و گوت جهێ خوش حالیا مه‌یه‌ كو هه‌ردوو لایه‌نان كێشا خو بدوماهیك ئینای و ئه‌ڤه‌ سه‌ربلندی یه‌ بومه‌ و ڤان جوره‌ كێشه‌یان پارتی و سه‌روكێ هه‌رێمێ چ بچیك یان مه‌زن بكێشه‌یاخو دزانیت و لایه‌نێن په‌یوه‌ندیدار هان دده‌ت بو چاره‌كرنا وان و هه‌ر د درێژاهیا مێژویێدا بنێری هه‌ول بو چاره‌سه‌ریا كێشێن جڤاكی هاتینه‌ دان و نوكه‌ژی هه‌موو هه‌ولێن مه‌ بو هندێ نه‌ بو هه‌موو كێشه‌یان په‌نا بێهێته‌ دان كو ب رێیێن ئاسای بنبر ببن و دئێك ملله‌ت دا ب ئازادی و خوشی و سه‌رفه‌رازی بژین و دووباره‌ ده‌ستخوشی ل هه‌ردوو بنه‌مالا كر ژبو ڤی كارێ پیروز. 
ددیڤدا د په‌یڤه‌كا پر بهادا بابیری سوپاسیا هه‌ردوو بنه‌مالا كر بو هه‌لویستێ وان یێ پیروز كو وان ئه‌م سه‌ربلند كرینه‌ دناڤا جڤاكی مه‌دا و هیڤی دكه‌ین كو ملله‌تێ مه‌ هه‌موو ب كه‌یف و خوشی دگه‌ل ئێك بژیتن و گوت: ئارمانجا مه‌ یا سه‌ره‌كی بو ڤی پێكهاتنێ كو خه‌لكی مه‌ بروحه‌كا جه‌سته‌یی پێكڤه‌ بژیت و كاربكه‌ت ژبو پاشه‌روژه‌كا گه‌ش و دیاركرژی بارزانی و رێبازا وی یا پیروز خو ب خودانێن هه‌موو كێشه‌یێن جڤاكی نیاس یه‌ و خو ل هه‌موو پێكهاته‌یان خو بخودان دبینیت و كاردكه‌ت بو نه‌هێلانا پرسگرێكان دناڤبه‌را خه‌لكێ دا و هه‌موو ده‌مان د قوناغێن شوره‌شێدا و ئه‌ڤروژی هه‌ر یا به‌رده‌وامه‌ ژبو چاره‌كرن و نه‌هێلانا ئاریشه‌یان و ل داویێ گوت: ئه‌ڤ رێبازا پیروز خو ب خودانێن كێشه‌یێن مه‌ دكه‌ته‌ خودان بومه‌ سه‌رفه‌رازی یه‌ و ئه‌م شانازیی ب رێبازا بارزانیی نه‌مر دبه‌ین و كه‌لتورێ وی هێڤێنێ لێبورنێ و پێكڤه‌ ژیانێ دناڤا گه‌لی مه‌دا چاندی یه‌ و هیڤی خواست كو ئه‌ڤ رێو ره‌سمه‌ ببنه‌ ده‌رگه‌هه‌ك بو نه‌هێلانا هه‌موو كێشه‌یێن جڤاكی ل كوردستانێ .
و ل دوماهیا رێو ره‌سمان دا هه‌ردوو لایه‌نان ب گیانی َلێبورینێ كێشه‌ ب داوی .