ناڤێ جاده‌کێ هاته‌ گوهارتن بو جادا شه‌هیدێن سه‌رهلدانێ

وه‌ک رێزگرتن بو  14  شه‌هیدێن خوینا خو ل سه‌ر ڤێ جادێ رێتی و خاکا کوردستانێ پێ ئاڤدای ، درێوره‌سمه‌کێ ژ هه‌ژیدا روژا ئێک شه‌مبی رێکه‌فتی 7/4/2013 ب به‌رهه‌ڤبوونا هێژایان  فریق فاروق  به‌رپرسێ لقێ 18 ی پارتی دیموکراتی کوردستان و  عگید شفیق  به‌رپرسێ لیژنا ناوچا سه‌رسنک یا پارتی و  مشیر احمد  رێڤه‌به‌رێ ناحیا سه‌رسنکێ و هژماره‌کا رێڤه‌به‌رێن داموده‌زگه‌هێن میری و حزبی و که‌س وکارێن شه‌هیدان و که‌سایه‌تی وریهسپی و خه‌لکێ ده‌ڤه‌رێ ، جادا ناڤبه‌را ئاشه‌وا و ئینشکێ ب ناڤێ جادا  شه‌هیدێن سه‌رهلدانێ  هاته‌ ناڤکرن .

دڤان رێوره‌سماندا به‌رپرسێ لقێ په‌یڤه‌ک پێشکێشکر و تێدا ئاماژه‌دا بزاڤا رزگاریخوازا کوردستانێ وکاروانێ هه‌ری مه‌زن یێ شه‌هیدێن بخوینا خو دارا ئازادیێ ئاڤدای و بوینه‌ ئه‌گه‌رێ ده‌ستکه‌فتێن ئه‌ڤرو گه‌لێ مه‌ پێ شادبووی و سه‌رکاروانێ وان بارزانیێ نه‌مر و کاک ئیدریسێ هه‌رده‌م ساخ . هه‌روه‌سان ناڤێن وان  14  شه‌هیدان گوتن یێن ل سه‌رهلدانا پیروزا 1991 لسه‌ر ڤێ جادێ ب ده‌ستێن چه‌په‌لێن به‌عسییان هاتینه‌ شه‌هیدکرن .

لدویڤدا  احسان ئامێدی  ئه‌ندامێ به‌رێ یێ په‌رله‌مانێ کوردستانێ بناڤێ که‌سوکارێن ڤان شه‌هیدان په‌یڤه‌ک پێشکێش کر وتێدا سوپاسیا سه‌رکردایه‌تیا هه‌رێمێ و پارتی و حکومه‌تێ کر بو وێ پشته‌ڤانی وهاریکاری و ئاسانکاریێن به‌رده‌وام بو خێزانێن شه‌هیدان دکه‌ن ودیسان سوپاسیا لقا 18 کر کو ل هه‌می جهـ وده‌مان و دهه‌می بیره‌وه‌ریان دا بیرئانینا شه‌هیدان دکه‌ن و ئه‌ڤرو ئه‌ڤ جاده‌ بناڤێ ڤان شه‌هیدان ناڤکری کو مخابن بناڤێ دکتاتور  سه‌دام ێ خوین مێژ دهاته‌ نیاسین.

و ئه‌ڤێن لخارێ ناڤێن ڤان  14  شه‌هیدانه‌ :-

1- حه‌مو اسماعیل که‌مه‌کی .

2-   تاهر عبدالرحمن زێوه‌یی .

3-   سلیمان سعید به‌ندی

4-برقی صالح بارزانی.

5-   فیصل قاسم مێرگه‌تی.

6-   احمد حسن ئه‌ره‌دنی.

7-   رشید یاسین مزیری.

8-   محسن عبدالله ئامێدی.

9- عابد خورشید نسری.

10-مسته‌فا یونس مزیری.

11-سه‌نعان مسته‌فا زێوه‌یی.

12-لزگین شوکت مێرگه‌تی.

13-اسماعیل محمد سعید مزیری.

14-عامل قاسم مێرگه‌تی.