لقێ 18 وه‌رزه‌کێ ره‌وشه‌نبیری دگێریت

ب به‌رهه‌ڤبوونا هێژا (خسرو گوران) ئه‌ندامێ سه‌رکردایه‌تیا پارتی دیموکراتی کوردستان وبه‌رپرسێ ده‌زگه‌هێ هه‌لبژاردنان ولژێر چاڤدێریا هێژا (فریق فارق) به‌رپرسێ لقێ 18 و به‌رهه‌ڤبوونا هێژا (محمد محسن) پێشمه‌رگه‌ وکادرێ دێرین به‌رپرسێ به‌رێ یێ لقێ 18 و ته‌ڤایا کارگێر وکادرێن لقێ و به‌رپرس وکارگێر وکادرێن لیژنه‌ و رێکخراوێن بسه‌رڤه‌ نڤێسینگه‌ها ره‌وشه‌نبیری وره‌گه‌هاندنا لقێ 18  ئێکه‌مین وه‌رزێ خو یێ ره‌وشه‌نبیری بو سالا 2013 ب هه‌لکه‌فتا بیره‌وه‌ریا 22 سالیا ده‌رچوونا بریارا جڤاتا ته‌ناهیێ یا هژماره‌ 688 ل روژا پێنج شه‌مبی رێکه‌فتی 4/4/2013 ل هولا سه‌نته‌رێ  ره‌شه‌نبیری  یێ ئامێدیێ گێرا .

وه‌رزێ ره‌وشه‌نبیری ب خوله‌که‌ک رێزگرتن بو گیانێ پاکێ شه‌هیدێن کوردستانێ و سه‌رکاروانێ وان بارزانیێ نه‌مر و کاک ئیدریسێ هه‌رده‌م ساخ ده‌ستپێکر و ل دویڤدا د کورته‌ په‌یڤه‌کێدا (فریق فارق) به‌رپرسێ لقێ بخێرهاتنا وانه‌بێژ وهه‌می پشکداران کر ومه‌رم ژ ڤه‌کرنا ڤی وه‌رزی دیارکر ، ل دویڤدا و ژ لایێ هێژایان (خسرو گوران) ئه‌ندامێ سه‌رکردایه‌تیا پارتی دیموکراتی کوردستان وبه‌رپرسێ ده‌زگه‌هێ هه‌لبژاردنان ، ماموستا ئیبراهیم محمد صالح ماموستایێ کولیژا یاسا ل زانکویا دهوک، دکتور(خلیل غازی) پروفیسورێ هاریکار ل زانکویا دهوک سێ بابه‌ت هاتن پێشکێشکرن . و وه‌رز ژلایێ عه‌ونی ئه‌رتیسی به‌رپرسێ نڤیسێنگه‌ها ره‌وشه‌نبیری وراگه‌هاندن ڤه‌ هاته‌ برێڤه‌برن .

(فریق فارق) به‌رپرسێ لقێ 18 د به‌رسڤا پرسیاره‌کێدا دور مه‌ره‌م ژ ڤی وه‌رزی و بابه‌تێن تێدا هاتین پێشکێشکرن ب ڤی ئاوای بو مالپه‌رێ لقا18- ئامێدیێ په‌یڤی :- ( وه‌ک گرنگیدان ب ره‌وشه‌نبیریا گشتی و زێده‌کرنا پێزانین کادران و مفا وه‌رگرتن ژ شیانێن که‌سانێن بسپور ، ئه‌م بفه‌ردبینین به‌رده‌وام وه‌رزێن ره‌وشه‌نبیری و خولان بو کادرێن خو ڤه‌که‌ین ، وه‌رزێ ره‌وشه‌نبیری یێ ئه‌ڤرو مه‌ گێرای ب راستی سێ بابه‌تێن گه‌له‌ک گرنگ بخوڤه‌ گرتبوون و گه‌له‌ک ب باشی ژ لایێ ماموستایان ڤه‌ هاتن به‌حس کرن ولدویڤدا گه‌نگه‌شه‌کرن  ب به‌رسڤدانا پرسیاران و بیرورایان ، ئێکه‌مین بابه‌ت ژ ئالیێ ماموستا خسرو گوران ڤه‌ هاته‌ پێشکێش کرن و بو ماوێ پتر ژ ده‌مژمێر ونیڤان دور هه‌لبژردنان و ره‌وشا سیاسی یا ئه‌ڤرو یا عیراقێ وهه‌رێما کوردستانێ ئاخفت ، جور و شێوازێن هه‌لبژردنان ، ئه‌زمونێن وه‌لاتێن عه‌ره‌بی وبیانی وئه‌و هه‌لبژردنێن ل عیراقێ و هه‌رێما کوردستانێ هاتینه‌ کرن و چه‌وانیا ئه‌نجامدانا وان و ئاماده‌کاری بو هه‌لبژاردنێن داهاتی و لدویڤدا بو هه‌یاما نیڤ ده‌مژمێرێ دان وستاندن ل دور هاته‌ کرن ...... سمینارا دووێ یا ماموستا ئیبراهیم محمد صالح بو کو بناف و نیشانێن وه‌رزێ مه‌ بوو بریارا (688) یاجفاتا ئێمناهیا نیڤ ده‌وله‌تی کو 22سال بسه‌ر بیره‌وه‌ریا وێڤه‌ چوون،‌ ئه‌ف بابه‌ته‌ گه‌له‌ک بباشی به‌حس کر بو هه‌یاما پتر ژده‌مژمێره‌کێ و پشتی هنگی ژی نێزیکی 20 ده‌قیقان هه‌ڤالان گه‌نگه‌شه‌ دگه‌لکر و گه‌له‌ک ب روناهیڤه‌ که‌ته‌به‌رچاڤێت هه‌می هه‌فالان ژ ئالیێن بنه‌مایێن سیاسی ومروڤایه‌تی یێن ڤێ بریارێ و مفایێن وێ بو گه‌لێ کورد وگه‌لێن دی یێن زورداری لێ دهێته‌کرن .......  بابه‌تێ سیێ ژی بابه‌تێ دکتور(خلیل غازی) پروفیسورێ هاریکار ل زانکویا دهوک وبابه‌تێ وی ل دور شیانێن پێشڤه‌چونا ئابورێ کوردستانێ وئاسته‌نگێن دکه‌فنه‌ درێیا پێشڤه‌چونێدا براستی گه‌له‌ک باش به‌حس کر لێ ژبه‌رکو سمینارا وی یا دووماهیێ بو و دڤیا کێمتر وه‌ختی هه‌لگریت شیا سه‌ره‌رای کێمیا ده‌می  بره‌نگه‌کێ هه‌ری باش وانێ و بیرورایێن لده‌ف وی هه‌ین بگه‌هینیته‌ هه‌ڤالان وگه‌له‌ک ب رونی به‌حس کر ئه‌ز سوپاسیا ویژی دکه‌م . ب دیتنا من هه‌می ئاماده‌بویێن ڤی  وه‌رزێ ره‌وشه‌نبیری ژ به‌رپرسێن رێکخراوان و به‌رپرس و کارگێرێن لیژنێن نافخوی دگه‌لدا کارگێر و ئه‌ندامێن نفیسینگه‌هـ و کادرێن لقێ مفایه‌کێ باش یێ ژێ وه‌رگرتی ، ده‌ستخوشیێ ل هه‌می  ده‌زگایێن راگه‌هاندنێ  ژی دکه‌م و سوپاسیا هه‌می هه‌ڤالێت ئاماده‌بوی دکه‌م وبدیتنا من وه‌رزێ ره‌وشه‌نبیری یێ سه‌رکه‌فتی بو هیڤیدارم کو بشێین دپاشه‌روژێ دا ئه‌م بو وان باشترین وه‌رزێن ره‌وشه‌نبیری بگێرین و لده‌مه‌کێ نێزیک و بهه‌لکه‌فتا سالروژا روژنامه‌ڤانیا کوردی وده‌رکه‌فتنا ئێکه‌م هژمار ژ روژناما کوردستان دێ خوله‌کا روژنامه‌ڤانی بو هه‌ڤالێن مه‌ یێن پشکێن راگه‌هاندنێ ل لیژنێن نافخو ڤه‌که‌ین .