دخوله‌كا ره‌وشه‌نبیری دا سه‌د كچ و كورێن روژ ئاڤیێ كوردستانێ پشكداردبن

ل ژێر چاڤدێریا عبدالخالق بابیری به‌رپرسێ لقا ئێك یا پارتی دیوكراتی كوردستان ئیروو رێكه‌فتی 2/4 و ل هولا ل0ن.ئاشتی خوله‌كا ره‌وشه‌نبیریا سیاسی بو كوردێن روژئاڤا ئه‌وێن ل كه‌مپا دومیز ئاكنجی بوین هاته‌ ڤه‌كرن كو ژلایێ فه‌رهه‌نگخانا دهوك ب هه‌ڤكاری دگه‌ل لقا ئێك و ب پشته‌ڤانیا رێڤه‌به‌ریا ره‌وه‌شه‌نبیری و وه‌رزش و لاوان ل دهوكێ هاتیه‌ دروسكرن، كو دێ ده‌ه روژان یا به‌رده‌وامبیتن و سه‌د كچ و كوران تێدابه‌شدارن.
د رێوره‌سمه‌كێ تایبه‌ت دا و ب به‌رهه‌ڤبونا چاڤدێرێ خولێ ئه‌ڤ مه‌راسیمه‌ برێڤه‌ چون و په‌یڤه‌ كێ دا گوت:خولێن ره‌وشه‌نبیری زور دگرنگن و گه‌نجێن مه‌ پێتڤی ب ڤان جوره‌ خولا هه‌یه‌ داكو هایداربن لسه‌ر ره‌وشا هه‌نوكه‌ی و پێزانینێت گشتی ل ده‌ف په‌یدابن چونكو دوژمنێ كوردا هه‌می ده‌ما ل ده‌لیڤان گه‌ریایه‌بو كوردان و ب خاله‌كا ره‌ش ل قه‌له‌م داینه‌ به‌لێ د سه‌د سالان دا كوردان تێكوشین كرینه‌ بو ئازادیێ به‌لێ ده‌وله‌تێن حوكمران دژی تێكوشینا نه‌ته‌وه‌ی بوینه‌ به‌لێ ب شانازی ڤه‌ كوردان به‌رگری ژ مافێن خو كریه‌ و خین و ژیان و خوشیا خو كریه‌ قوربانی ژپێخه‌مه‌ت كوردستانه‌كا ئازاد و هنده‌ ژ حه‌زان هاتیه‌ جێ به‌لێ یا مه‌زن یا مای دڤێت ئه‌م لسه‌ر وێ كار بكه‌ین و پشته‌ڤانێن سه‌ركردایه‌تیا خوبین دا بشێن ئارمانجا جێ به‌ جێ بكه‌ین. و دڤێت ئه‌م د رویێ مێشكی دا خو ئاڤا بكه‌ین داكو بشیێن به‌رگریێ ژمافێن خو بكه‌ین و كوردستانێ پێتڤی ب كه‌سانێن ئاڤاكه‌ر هه‌یه‌ دا كار بو ده‌وله‌تا خو یا نه‌ته‌وه‌ی بكه‌ین و ئه‌گه‌ر ئه‌م ب نه‌ته‌وی بونێ خو گرێ بده‌ین دی قازانجه‌كا باش وه‌رگرین چونكو ده‌لیڤه‌ هه‌نه‌ به‌لێ حازری دڤێت بو بهێنه‌ كرن و یا گرنگ ئێك هه‌لویستی یه‌ و ل دوماهیێ دخاست كو ئه‌ڤ خوله‌ بیته‌ جهێ مفا وه‌رگرتنێ لده‌ف كچ و كورێن مه‌.
پاشان د ئێكه‌م سمیناردا كو هاته‌ گێران ژ لایێ مسعود سه‌رنی به‌رپرسێ نڤێسینگه‌ها ره‌وشنه‌بیری و راگه‌هاندنێ ل دور بارزانی و هزرا نه‌ته‌وه‌ی كو تێدا شروڤه‌ك دا لسه‌ر ژیان و كه‌سایه‌تی و خه‌باتا نه‌ته‌وه‌ی یا بارزانی یێ باب د دیروكا گه‌لێ كوردستانێ دا كو وه‌ك سه‌ركێشێ نه‌ته‌وا كورد دهێته‌ نیاسین و گوت :گه‌له‌ك وه‌لات ژی وه‌ك سومبول و ناسنامه‌ و هێمایێ گه‌لێ كورد دنیاسن و ئه‌ڤه‌ژی جهێ فه‌خر و شانازیێ یه‌ بو مه‌ كادرێن پارتی كو ئه‌م دناڤ پارته‌كێدا كاردكه‌ین كو سه‌ركێشێ وێ خودان دیروكه‌كا پری ماندیبون و خزمه‌ت بیت بو كێشه‌یا كوردی.