به‌یانناما لقێ 18 بهه‌لکه‌فتا بیره‌وه‌ریا سێداره‌دانا پێشه‌وا قازی محه‌مه‌د

ئامێدیێ-KDP.info/ ب هه‌لكه‌فتا بیره‌وه‌ریا سیداره‌دانا پێشه‌وا قازی محه‌مه‌د ب ناڤێ لقا 18 و جه‌ماوه‌رێ ده‌ڤه‌را ئامێدیێ خه‌م و كوڤانێن خو ده‌ردبرین ب ڤێ هه‌لكه‌فتا دل ته‌زین.

بێگومان قازی محه‌مه‌د و مالباتا وان یا خه‌باتكه‌ر روله‌كێ مه‌زن گێرایه‌ دبزاڤا رزگاریخوازا گه‌لێ كوردستانێ دا و قازی ئێكه‌ ژ سه‌ركردێن ب هێز و پر ب ناڤ ده‌نگێن كوردستانێ و ئێكه‌م سه‌ركومارێ ئێكه‌م كومارا كوردستانێ یه‌، ئه‌و كومارا بو جارا ئێكێ ل رۆژهه‌لاتێ كوردستانێ ژدایكبووی و بویه‌ هیڤیا هه‌می كوردان و ئه‌ڤرو ئه‌م هه‌می شانازیێ ب وێ سه‌روه‌ریا گه‌لێ كورد دكه‌ین یا كو ل سه‌ر ده‌ستێ وی و هه‌ڤالێن وی یێن شورشگێر هاتیه‌ ئاڤاكرن و بوویه‌ ئێك ژ هیما و سومبولێت پیروزێن نه‌ته‌وا كورد و سیداره‌دانا قازی و هه‌ڤالێن وی ل وی سه‌رده‌می زیانه‌كا گه‌له‌ك مه‌زن گه‌هانده‌ گه‌لێ كوردستانێ، به‌لێ ئه‌ڤه‌ نه‌ بو ئه‌گه‌رێ وێ چه‌ندێ كو گه‌لێ كوردستانێ ده‌ست ژخه‌باتا خو به‌رده‌ت و ئه‌و ئالایێ پیروزێ وی دایه‌ ده‌ستێ بارزانیێ نه‌مر ئه‌ڤرو ئه‌و ئالا یێ ل سه‌ر چیایێن كوردستانێ دهه‌ژیت و یێ به‌رز و بلنده‌ و ب سیداره‌دانا قازی و هه‌ڤالێن وی كاروانێ خه‌بات و تێكوشینێ نه‌ راوه‌ستیا و یێ به‌رده‌وامه‌ تاكو هه‌می مافێن گه‌لێ كوردستانێ ب ده‌ستڤه‌ دهێن. دروی ره‌ش و شه‌رمزاربن داگیركه‌رێن كوردستانێ.