نامەی پیرۆزبایی مەكتەبی سیاسی پارتی دیموكراتی كوردستان بە بۆنەی جەژنی قیامەی حەزرەتی مەسیحەوە (سڵاوی خوای لێ بێ)
بە بۆنەی هاتنەوەی جەژنی قیامەی حەزرەتی مەسیحەوە (سڵاوی خوای لێ بێ)، پیرۆزبایی گەرم لە گشت كریستیانانی كوردستان و عێراق و جیهان دەكەین و ئومێدەوارین ئەم جەژنە بە خێر و خۆشی بگەڕێتەوە بۆ ئەوان و بۆ هەموو جیهان.
لە كاتێكدا لە زوربەی ناوچەكانی عێراق كریستیانان دووچاری شاڵاوی زوڵم و ئیرهاب و راوەدوونان و پەراوێزخستن بوونەتەوە، هەرێمی كوردستان بۆتە پەناگەی ئارام بۆیان. هاوكات كریستیانیان لە هەرێمی كوردستاندا هاوڵاتی راستەقینە و بەشدارن لە دامەزراندنی پایەكانی كولتووری ئارامی و پێكەوەژیانی ئاشتییانە و پێكەوەكاركردن بۆ ئاوەدانی و گەشەكردنی كۆمەڵایەتی و سیاسی و ئابووری و شان بەشانی كورد و توركمان و پێكهاتە جیاجیاكان خەباتیان كردووە بۆ بەدیهێنانی هەموو دەستكەوتەكان و قوربانیان داوە، بۆیە ماف و شوێن و پایەی كۆمەڵایەتی و ئایینی و سیاسی ئەوان لەم هەرێمەدا رێز لێگیراو و بە یاسا پارێزراوە و لەلایەن ئێمەشەوە وەكوو پارتی دیموكراتی كوردستان بە ئەركی سەرشانی خۆمانی دەزانین كە پشتگیر و هاوخەباتیان بین لەپێناوی بەدیهێنانی تەواوی مافەكانیان.
جارێكی دیكە پیرۆزبایی گەرمتان لێ دەكەین و ئومێدەوارین لە هەرێمی كوردستاندا یادی هەموو جەژن و بۆنەكانتان بە خۆشی و بەختەوەری بكەنەوە.
مەكتەبی سیاسی
پارتی دیموكراتی كوردستان
30 ئاداری 2013
__2021_04_03_h23m18s5__JH.jpg)
