لقا 18 و جه‌ماوه‌رێ ده‌ڤه‌را ئامێدیێ سه‌ردانا مهزارێ نه‌مران کر
لقا 18 ی پارتی دیموکراتی کوردستان و دامو ده‌زگه‌هێن میری و رێکخراوێن جڤاکێ سڤیل و ته‌خ وچینێن جودا جودا ژ جه‌ماوه‌رێ ده‌ڤه‌را ئامێدیێ ژبو نویکرنا سوز وپه‌یمانان روژا پێنج شه‌مبی 28/3/2013 سه‌ره‌دانا مهزارێ نه‌مران ل بارزان کر.
ب پشکداریا هێژا (فریق فاروق) به‌رپرسێ لقێ 18 ی پارتی دیموکراتی کوردستان و (حسین خالد) قایمقامێ قه‌زا ئامێدیێ و کارگێر وکادرێن لقا 18 و به‌رپرس وکارگێر وکادرێن لیژنێن (ئامێدیێ ، سه‌رسنک ، شێلادزێ ، دێره‌لوک ، سیریێ ، کانی ماسێ ، بامه‌رنێ و جه‌مانکێ) وپێشمه‌رگێن ئه‌یلول و گولانێ و له‌شکه‌رێ کوردستانێ و رێڤه‌به‌رو فه‌رمانبه‌رێن رێڤه‌به‌ری و فه‌رمانگه‌هێن حکومی و زانایێن ئاینی و رێکخراوێن ئافره‌تان و قوتابیان و لاوان و ته‌خ و چینێن جودا یێن سنورێ لقا 18 و ده‌ڤه‌رداریا ئامێدیێ سه‌ره‌دانا مهزارێ نه‌مران بابێ روحی یێ گه‌لێ کورد (مه‌لا موسته‌فا بارزانی) و کاک (ئیدریسێ هه‌رده‌م ساخ) هاته کرن و ژلایێ نوینه‌رێ سه‌روک بارزانی (شێخ خه‌لات بارزانی) ڤه هاتنه پێشوازیکرن.
پشتی خرڤه‌بونێ ل بارزان ب رێپیڤانه‌کا رێکخستی کو کوردوسه‌کا هه‌لگرێن ئالایێن کوردستانێ ل پێشیێ بوون گه‌هشتنه سه‌ر مهزارێ نه‌مران و تاجه گوله‌ک ژلایێ به‌رپرسێ لقێ 18و قایمقامێ ئامێدیێ ڤه ل سه‌ر مهزارێ نه‌مران هاته دانان و سوره‌تا (الفاتحه) هاته خواندن و لدویڤدا نوینه‌رێ سه‌روک بارزانی هێژا (شێخ خه‌لات بارزانی) په‌یڤه‌ک پێشکێش کر و تێدا بناڤێ سه‌روک بارزانی بخێرهاتنا لقا 18 و جه‌ماورێ سنورێ قه‌زا ئامێدیێ کر و ئاماژه ب خه‌باتا گه‌لێ کورد بگشتی دا ژبو رزگاربوونێ و رولێ بارزانیێ نه‌مر و به‌حسێ ئه‌نفال وشه‌هیدان کر و گوت سه‌روک بارزانی هه‌می هه‌ولان دده‌ت ژبو ژنوی ئاڤاکرنا هه‌می ده‌ڤه‌رێن کوردستانێ.
لدویڤدا هێژا(فریق فاروق) به‌رپرسێ لقێ 18 ی پارتی دیموکراتی کوردستان په‌یڤه‌ک پێشکێشێ به‌رهه‌ڤبوویان کر و ئه‌ڤا لخوارێ ده‌قێ وێیه : (ئه‌م پر ژدل سوپاسیا جه‌نابێ نوینه‌رێ سه‌روک بارزانی (شێخ خه‌لات بارزانی) دکه‌ین ژبو پێشوازییا وان یا گه‌رم ، ئه‌م دێ هه‌تا هه‌تا پێگیری رێبازا بارزانیێ نه‌مر بین و به‌ره‌ڤانیێ ژێ که‌ین ژبه‌رکو ئه‌و رێبازا پیروزا کوردایه‌تیێ یه ،ئه‌ف رێبازه کوردایه‌تیه‌کا راست ودروسته ئه‌ف رێبازه مه‌زنترین ده‌ستکه‌فته بو گه‌لێ کوردستانێ ،هه‌می ده‌ستکه‌فتێن گه‌لێ کوردستانێ ب ده‌ستڤه‌ئیناین ژبه‌ر ڤێ رێبازێ بوویه و خه‌لکێ کوردستانێ دڤێ رێبازێدا په‌روه‌رده‌بووینه تا ئه‌ف ده‌ستکه‌فته ب ده‌ست خوڤه ئینانین ژبه‌ره هندێ ئه‌ف ده‌ستکه‌فته ژ هه‌می ده‌ستکه‌فتان گرنگتره و پیتڤییه ئه‌م ب هه‌می شیانان ب پارێزین وبه‌ره‌ڤانیێ ژێ بکه‌ین ، و سوپاس بو خودێ کو ئه‌ف رێبازه روژ بو روژ خورتتره وپتر پێشڤه دچیت ، هه‌تا کو ملله‌تێ مه‌ژی سه‌رکه‌فتنێن ئێک ل دویف ئێک دئینیت ، ژبه‌ر هندێ ژی ئێکگرتنا گه‌لێ کوردستانێ ژڤێ رێبازێ یا ده‌ستپێکری . جه‌نابێ بارزانیێ مه‌زن بو ژ زاخو هه‌تا خانه‌قینێ کرینه ئێک سه‌نگه‌ر و ئێک په‌یام ب ئێک سه‌رکردایه‌تی ئێک سه‌رکێشی ورێبه‌ری و ئه‌ڤه هه‌می ژی بو جه‌نابێ بارزانیێ مه‌زن وکاک ئیدریسێ هه‌رده‌م ساخ و سه‌روک بارزانی ڤه‌دگه‌ریت ، له‌وما ئه‌م ئه‌ڤێت ڤێ گاڤێ ژی مریدێت ڤێ رێبازێینه ودێ هه‌ر مینین مرید بو ڤێ رێبازێ و ئه‌رکه ل سه‌ر ملێن مه هه‌میان ئه‌م روژ بو روژ پتر خه‌بات و تێکوشینێ بکه‌ین کو ئه‌ف رێبازه روژ بو روژ خورتتر لێ بهێت و سوپاس بو خودێ ئه‌م یێت بینین کانێ پارسال چاوان خه‌لک هاتبوون و ئه‌ف ساله چاوان پترهاتینه ب حه‌ز و جوشه‌کا مه‌زنتر، هه‌می خه‌لکێ ل هه‌می جهان هه‌تا ژده‌رڤه و ل ده‌ربه‌ده‌ریێ ژی دژین رێڤینگێن ڤێ رێبازێ نه. هه‌ر وه‌ختێ ئه‌ف رێبازه یا خورت گه‌لێ کوردستانێ ژی یێ خورت بوویه و هه‌رده‌مێ دوژمن و نه‌حه‌زان ڤیای و هه‌ولداین ڤێ رێبازێ لاواز بکه‌ن گه‌لێ کورد ژی لاوازی بخوڤه دیتیه ژبه‌ر هندێ ته‌ڤگه‌را گه‌لێ کورد ل هه‌می کوردستانێ یا گرێدای ڤێ رێبازێیه و هه‌ر هه‌می که‌س ژی نوکه یێن گه‌هشتیه‌ن وێ باوه‌ریێ هه‌تا ئه‌و خه‌لکێ نه‌دڤیا ده‌مه‌کی بگه‌هنه وێ باوه‌ریێ ژی ئه‌ڤرو گه‌هشتینێ له‌وما روژ بو روژ ئه‌ز دبێژم ئه‌ف رێبازه یا خورتتر لێ دهێت له‌وما ده‌ستکه‌فتێن گه‌لێ کوردستانێ ژی یێن پتر و به‌رفره‌هتر لێ دهێن . و ب راستی مه باوه‌ریه‌کا مه‌زن یا هه‌ی کو ئه‌و ده‌ستکه‌فتێن ئه‌ڤرو گه‌لێ کوردستانی هه‌ول بو دکه‌ن ئه‌وژی دێ ب ڤێ رێبازێ و لسه‌ر ده‌ستێ رێڤینگێن ڤێ رێبازێ دێ بجهئێن ، له‌وما ئه‌م دبێژین ئه‌م هه‌می قه‌ردارێن خه‌باتا (بارزانیێ نه‌مر) ین و (ئیدریسێ هه‌رده‌م ساخ) و هه‌می شه‌هیدێن مه یێن ل سه‌ر ڤێ رێبازێ سه‌رێ خو دانای . ژبه‌ر هندێ ب ڤێ هه‌لکه‌فتێ ئه‌م سه‌رێ خو دچه‌مینین و به‌ژنا خو دچه‌مینین بو جه‌نابێ بارزانیێ نه‌مر و ئیدریسێ هه‌رده‌م ساخ و هه‌می شه‌هیدێن کوردستانی ، هه‌ر وه‌سان ئه‌م سوپاسیه‌کا مه‌زن بو هه‌می خه‌لکێ ده‌ڤه‌را ئامێدیێ دکه‌ین یێن کو ئه‌ڤروکه زه‌حمه‌ت کێشای و چاوان زانی کو ئه‌م دێ هێن بێی ئه‌م بێژینێ ئه‌و بخو هاتن و ئه‌ڤه وه‌فاداریه‌کا مه‌زنه و براستی ژی ئه‌ز ل وێ باوه‌ریێ مه ژ بلی ئه‌ف خه‌لکێ هنده زور یێن هاتین ره‌نگه گه‌له‌کێن دی گازندێ ل مه بکه‌ن وبێژن هه‌و نه گوته مه هه‌که ئه‌م ژی دا هێین و ئه‌ز باوه‌ر دکه‌م ئه‌گه‌ر هنده‌ک دگه‌ل مه‌ژی نه‌هاتبن دێ پشتی مه هێن له‌وما ئه‌م سوپاسیا هه‌میان دکه‌ین ئه‌وێ هاتین و زه‌حمه‌ت کێشاین . جاره‌کا دی ژی سوپاسیا جه‌نابێ شێخی دکه‌ین و هه‌می به‌رهه‌ڤبوویان و ده‌زگه‌هێن راگه‌هاندنێ و سوپاس بو هه‌وه هه‌میان) .
و لدویڤدا خه‌لکێ سنورێ هه‌ر لیژنه‌کێ (ئامێدیێ ، سه‌رسنک ، شێلادزێ ، دێره‌لوک ، سیریێ ، کانی ماسێ ، بامه‌رنێ و جه‌مانکێ) جودا جودا ل ده‌ورێن مهزارێ نه‌مران راوه‌ستان ژبو خواندنا سوره‌تا (الفاتحه) و نویکرنا سوز وپه‌یمانان ، و هژماره‌کا دی یا په‌یڤ و هوزانان هاتن خواندن تا داوی ب ڤان رێوره‌سمان هاتی.
عه‌لی رێکانی – مالپه‌رێ لقا 18- ئامێدیی
__2021_04_03_h23m18s5__JH.jpg)
