لقا ئێك پێشوازیێ ل قه‌شێ كه‌نیسا ئه‌رمه‌نیان ل دهوكێ دكه‌ت

به‌رپرسێ لقێ ئێكێ پارتى ل هولا لقێ پێشوازى ل قه‌شێ كه‌نیسا ئه‌رمه‌نیان ل پارێزگه‌ها دهوكێ قه‌شه‌(ماسیس شاهینیان) و شاندێ دگه‌ل دا كر و دڤێ سه‌ره‌دانێ دا قه‌شێ كه‌نیسا ئه‌رمه‌نیان ل دهوكێ دیار كر كو مه‌ره‌م ژڤێ سه‌ره‌دانێ پیروزكرنا جه‌ژنا نه‌وروزا پیروزه‌ خورتكرنا په‌یوه‌ندیانه‌ دگه‌ل لقێ ئێكێ پارتى و ژ نێزیك ئاگه‌هداربوونه‌ ژ نویترین پێشهاتێن سیاسى ل سه‌ر ئاستێ هه‌رێمێ و عێراقێ ب گشتى.
وژلایێ خوڤه‌(عبدالخالق بابیرى) خوشحالیا خو ده‌ربرى ژ ڤێ سه‌ره‌دانێ و نویترین پێشهاتێن سیاسى ل سه‌ر ئاستێ هه‌رێمێ و عێراقێ به‌حس كرن و دا دیاركرن كو كوردستان ژ كه‌ڤن دا وارگه‌هێ پێكڤه‌ ژیانا هه‌مى ئول نه‌ته‌وه‌یه‌كى یه‌ بویه‌ نموونا پێكڤه‌ ژیانێ ل سه‌ر ئاستێ جیهانێ و ل دوماهیكا ڤێ سه‌ره‌دانێ به‌رپرسێ لقێ پشته‌ڤانیا خو بو هه‌ر جوره‌ هاریكاریه‌كا پێتڤى دا دیار كرن بو كه‌نیسا ئه‌رمه‌نیان ل پارێزگه‌ها دهوكێ