ب هه‌لكه‌فتا سال روژا كوچا ملیونی یا خه‌لكێ كوردستانێ لقێ ئێك به‌یاننامه‌ به‌لاڤكر

كوچا ملیونی یا (28ی ئادارا سالا 1991)ێ به‌رده‌وامیا پێدا گرتنا خه‌لكێ كوردستانێ بوویه‌ ل بریارا ره‌تكرنا سته‌م و زورداریێ یا ل سه‌رهلدانا سالا (1991)ێ دوپات كری، كو بهیچ ره‌نگه‌كێ خه‌لكێ كوردستانێ ئاماده‌ نابن دكتاتوریه‌ت و بن ده‌ستیێ قه‌بول بكه‌ن، و ب هه‌مان روحیه‌ت و ئێكرێزیا سه‌رهلدانێ به‌رده‌وامیێ پێ بده‌ن و فشاره‌كا مه‌زن ل سه‌ر جڤاكێ نیڤ ده‌وله‌تی دروست بكه‌ن و هشیار بكه‌ن ل سه‌ر ره‌وش و چاره‌ نڤێسێ خه‌لكێ كوردستانێ، ئه‌و بو بریارا (688) یا نه‌ته‌وێن ئێكگرتی ده‌رچوو بو دروست كرنا ده‌ڤه‌را ئارام یا هه‌رێما كوردستانێ ل سه‌ر هێلا (36) .
كوچا ملیونی بێی جوداهیا ره‌گه‌زی و ئولی و نه‌ته‌وه‌یی یا هه‌می چین و ته‌خێن خه‌لكێ كوردستانێ بوو، له‌وما بو بناغه‌كێ ب هێز و موكوم و ده‌ست كه‌فتێن سه‌رهلدانا (1991)ێ ل سه‌ر هاتنه‌ ئاڤاكرن و گه‌لێ مه‌ بونه‌ خودان حكومه‌ت و په‌رله‌مان، و ئه‌ڤه‌ژی بنه‌مایه‌كێ ب هێزه‌ بو ئاینده‌كێ گه‌شتر .
ل یادا بیرئینانا كوچا ملیونی سلاڤ ل گیانێ ته‌ڤایا شه‌هیدێن رێیا بزاڤا ئازادی خوازا كوردستانێ و شه‌هید و قوربانیێن كوچا ملیونی و سه‌ركێشێ وان بارزانیێ نه‌مر و ئدریسێ هه‌رده‌م ساخ.