٩ی تشرینی یەکەمی ٢٠٢٦
پارتی دیموکراتی کوردستاننوێبوونەوە ، دادپەروەری ، پێکەوەژیان
مەکتەبی سياسی

مەکتەبی سیاسی پرسەنامەیەک ئاراستەی خانەوادەی (مام باپیر قەمتەرانی) دەکات

سەرچاوە: KDP.info

ھەولێر-KDP.info- مەکتەبی سیاسیی پارتی دیموکراتی کوردستان، پرسەنامەیەک ئاراستەی خانەوادەی خوالێخۆشبوو (عەزیز محەمەد رەسووڵ) ناسراو بە(مام باپیر قەمتەرانی) دەکات.

دەقی پرسەنامەکەی مەکتەبی سیاسیی پارتی دیموکراتی کوردستان بۆ خانەوادەی (عەزیز محەمەد رەسووڵ)
بەڕێزان/ خانەوادەی خوالێخۆشبوو (عەزیز محەمەد رەسووڵ)

هەواڵی کۆچی دوایی، خوالێخۆشبوو (عەزیز محەمەد رەسووڵ) ناسراو بە(مام باپیر قەمتەرانی)مان بیست، بەو کۆستە خەمبار و دڵگران بووین، بەخەمناکییەوە پرسە و سەرەخۆشیی خۆمان ئاراستەی ئێوە و کەسوکار و بنەماڵە بەڕێزەکەتان دەکەین، خۆمان بە هاوبەشی خەمتان دەزانین.
هیوادارین دڵنەوایی و هاوخەمی ئاشنایان و دۆست و ئازیز و خزمانی خوالێخۆشبوو ببێتە مایەی سەبووری و ئارامگرتنتان و لە خەم و خەفەتتان کەم بکاتەوە و داواکارین لە خوای گەورە خوالێخۆشبوو بە بەهەشتی بەرین شاد بکات و ئێوەش لە ناخۆشی و کۆستی دیکە بە دوور بگرێت.

مەکتەبی سیاسیی پارتی دیموکراتی کوردستان
٦ی ئایاری ٢٠٢٤

 

هەواڵی پەیوەندیدار

پرسەنامەی مەکتەبی سیاسیی پارتی بۆ کۆچی دوایی خوالێخۆشبوو (سابیر ئەحمەد عەبدولڕەحمان)
شاندێکی حزبی ئیسلامی عێراق سەردانی مەکتەبی سیاسی پارتیان کرد
پەیامی پیرۆزبایی مەکتەبی سیاسیی پارتی بۆ(١٥)یەمین ساڵیادی دامەزراندنی بزووتنەوەی گۆڕان
مەکتەبی سیاسی پرسەنامەیەک ئاراستەی خانەوادەی (مام وسو ساوەی سورچی) دەکات