ئاگرێ نه‌وروز و سه‌ر سالا نوى یا گه‌لێ كوردستانێ ل باژێرێ دهوك

دهۆک- تایبەت ب KDP.info/  ئاگرێ نه‌وروز و سه‌ر سالا نوى یا گه‌لێ كوردستانێ ل باژێرێ دهوك ب ئاماده‌بونا هه‌موو لایه‌ن و به‌رپرسێن حیزبى و حكومى و ریه سپى و جه‌ماوه‌ره‌كێ ئێكجار زور هاته‌ هه‌لكرن ل گوره‌پانا كولیژا زانست .
د په‌یڤه‌كێ دا به‌رپرسێ لقا ئێك پیروزباهیێن خو و لقا ئێك ب هه‌لكه‌فتا جه‌ژنا نه‌وروزێ ئاراسته‌ى هه‌موو گه‌لێ كوردێ ل هه‌ر جهه‌كى و هه‌ر ژوار پارچانا و یێن كوردستانێ و ب تایبه‌ت یێن دهوكێ پیروزكر و گوت:جه‌ژنا نه‌وروزێ رامانه‌كا تایبه‌ت هه‌یه‌ بو گه‌لێ كوردستانێ و روژا به‌رخودانا كوردستانێ یه‌ و بویه‌ جه‌ژنه‌كا نه‌ته‌وه‌یى و لڤێرێ ئه‌م هه‌موو پارتێن كوردستانێ خرڤه‌بوینه‌ بو هه‌لكرنا ئاڤرێ نه‌وروزێ و په‌یاما مه‌ بو هه‌موو جیهانێ و روژهه‌لاتیا ناڤه‌راست په‌یاما ئاشتیێ یه‌ و دیاردكه‌ین كوردستان و گه‌لێ كورد ملله‌ته‌كێ ئاشتیێ خوازن له‌وما ئه‌ڤ روژا پیروزا نه‌ته‌وى ل هه‌ممو كوردستانیان پیروزبیت و هیڤیدارم كو ئه‌ڤ روژه‌ ببیته‌ ئه‌گه‌رێ سه‌ركه‌فتن و گه‌هشتنا كوردان ب مافێن خو یێن ره‌وا و ئاڤابونا ده‌وله‌تا كوردستانى.
هه‌ژى گوتنێ یه‌ كو ل سه‌نته‌رێ باژێرێ دهوكێ چه‌ندین ئاهه‌نگێن هونه‌رى هاتن ئه‌نجامدان و كه‌یف و خوشى و پیروزكرنا جه‌ژنا نه‌وروزێ هات ساخكرن.