پەردە لسەر مینومێنتا شەهیدێن ئەرەدنا هاتە لادان

ئامێدیێ‌- KDP.info /د رێوره‌سمه‌کێ  دا لسه‌ر جادا سه‌رەکیا دناڤبه‌را هه‌ردوو گوندێن ئه‌ره‌دنا ژووری و ژێری و ب به‌رهه‌ڤبوونا (نجم الدین یوسفی )نوینه‌رێ سه‌روک بارزانی ، (عبدالله درویش) به‌رپرسێ مخابرا پارتی ، فریق فاروق به‌رپرسێ لقێ 18یێ پارتی دیموکراتی کوردستان ،عصمت رجب به‌رپرسێ لقێ 14 ی (پ.د.ک) ، د. لویس ئه‌ندامێ په‌رله‌مانێ ئیراقێ ، ومه‌تران ره‌بان  مه‌ترانێ ده‌ڤه‌را ئامێدیێ ، نوێنه‌رێ پارێزگه‌ها دهوک و قایمقامیا قه‌زا ئامێدیێ ،عصمت بادی  رێڤه‌به‌رێ گشتیێ رێڤه‌به‌ریا شه‌هید و ئه‌نفالکریان ل پارێزگه‌ها دهوکێ‌ وهژماره‌کا به‌رچاڤ ژ به‌رپرسێ دامو ده‌زگه‌هێن حزبی و میری و له‌شکه‌ری و که‌سایه‌تی و که‌س و کارێن شه‌هیدان و خه‌لکێ ده‌ڤه‌رێ په‌رده‌ ل سه‌ر مێنومێنتا شه‌هیدێن ئه‌ره‌دنا هاته‌ لادان.

ودڤێ‌ رێوره‌سما راکرنا په‌ردە ژ سه‌ر مێنومێنتێ ب خوله‌که‌ک رێزگرتن ده‌ستپێکر بو سه‌رگیانێ پاکێ وان شه‌هیدان وته‌ڤایا شه‌هیدێن کوردستانێ ول دووڤدا په‌ر‌ده‌ ل سه‌ر مێنومێنتێ ب پشکداری هاته‌ لادان وهژماره‌کا په‌یڤان هاتن پێشکێشکرن ژوانا په‌یڤا گه‌نج و لاوێن ئه‌ره‌دنی یێن موسلمان ومه‌سیحی یێن ب ئه‌نجامدانا ڤی کاری رابوین وپه‌یڤا ریزدار سه‌روکێ  هه‌رێمێ ژ لایێ نوێنه‌رێ وی نجم الدین یوسفی  و عبدالله درویش به‌رپرسێ مخابرا پارتی و په‌یڤا لقا 18 ژلایی  فریق فاروق  به‌رپرسێ لقێ 18 و مه‌تران ره‌بان و په‌یڤا پارێزگه‌ها دهوک وقایمقامیا قه‌زا ئامێدیێ ژلایێ مشیر محمد رشید رێڤه‌به‌رێ ناحیا سه‌رسنکی و په‌یڤا هه‌ڤالێن شه‌هیدان ژلایێ پێشمه‌رگه‌ محمد محسن به‌رپرسێ به‌رێ یێ لقا 18و په‌یڤا رێڤه‌به‌ریا شه‌هید و ئه‌نفالکریان ل پارێزگه‌ها دهوک ژلایێ عصمت بادی رێڤه‌به‌رێ رێڤه‌به‌ریێ.

 هه‌میان دپه‌یڤێن خودا ده‌ستخوشی ل وان گه‌نجان کر یێن بڤی کارێ پیروز رابوین و دیسان سوپاسیا فیلیپ ئه‌ره‌دنی کر کو هه‌می خه‌رجیێن پێتڤی بو ڤێ مێنومێنتێ ب ئستو خوڤه‌گرتین و هیڤی خواستن ل هه‌می جهان کارێن وه‌ک ڤی بێنه‌ ئه‌نجامدان.
ژلایێ خوڤه‌  فریق فاروق  به‌رپرسێ لقێ 18یێ پارتی دیموکراتی کوردستان پشتی بخێرهاتنا مێهڤانان ئاماژه‌ ب قاره‌مانیا ڤان شه‌هیدان دا کو وه‌ک هه‌ر شه‌هیده‌کێ دی یێ کوردستانێ گیانی خو کریه‌ قوربانی ڤی وه‌لاتی و گوت رێبازا بارزانیێ نه‌مر رێبازا پێکڤه‌ ژیان و دادوه‌رێێ و حوکمرانیێ یه‌ و پێتڤییه‌ ئه‌م‌ لسه‌ر ڤێ رێبازێ بچین کو ئه‌ڤ شه‌هیده‌ لسه‌ر چووین و و گوندێ ئه‌ره‌دنا ئێکه‌ ژ وان گوندێن گه‌له‌ک قوربانی داین ژ موسلمان و مه‌سیحیان و ج جاران سه‌رێ خو بو دوژمنێ نه‌چه‌ماندی.
رێوره‌سم ب هوزانه‌کا شه‌هید  ئه‌حمه‌د ئه‌رده‌دنی  ژێر ناڤێ  شه‌هید  دوماهی پێ هاته‌دان کو ژلایێ کورێ وی  شڤان یڤه‌ هاتیه‌ خواندن.
هه‌ژی گوتنێیه‌ کو دڤێ مێنومێتێ دا ناڤێن 100 شه‌هیدان ژ موسلمان ومه‌سیحیان یێن خوینا خو د رییا بزاڤا ئازدیخوازا گه‌لێ کورد دا رێتی پێخه‌مه‌ت رزگاربوون ژ زولم وزورداریا دوژمنان هاتینه‌ نڤیسین.