پرسەنامەیەک لە مەکتەبی سیاسی پارتییەوە

به‌ڕێزان خانەوادەی هەڤاڵ (محەمەد وانی)

بەدڵگرانییەکی زۆره‌وه‌ هه‌واڵی کۆچی دوایی پێشمەرگەی شۆڕشی مەزنی ئەیلوول و کەسایەتی تێکۆشەر و خەباتکاری دڵسۆز، خوالێخۆشبوو هەڤاڵ (محەمەد وانی) ئەندامی بەشی هەڵبژاردنی مەکتەبی سیاسی پارتیمان بیست.

بەم بۆنە خەمناکەوە پرسە و سه‌ره‌خۆشیی خۆمان ئاڕاسته‌ی خانه‌واده ‌نیشتیمانپەروەر و تێکۆشەرەکەتان و  گشت خزم و دۆست و هاوکارانی خوالێخۆشبوو و، سەرجەم هەڤاڵانی بەشی هەڵبژاردن ده‌كه‌ین و، خۆمان بە هاوبه‌شی خه‌متان دەزانین.

له‌ خودای گه‌وره‌ داواكارین ئارامی و دڵنه‌وایی بە هەموولایەک پێببەخشێت و گیانی هەڤاڵی کۆچکردوویش به‌ر ره‌حمه‌تی خۆی بخات و به‌ به‌هه‌شتی به‌رینی شاد بكات.

انا للە و انا الیە راجعون
مەكتەبی سیاسی
پارتی دیموكراتی کوردستان