پرسەنامەی بەشی ڕۆشنبیری و ڕاگەیاندنی پارتی بۆ کۆچی دوایی مامۆستا و نووسەر و وەرگێڕی کورد (ئەحمەد محەممەد ئیسماعیل)

پرسەنامەی بەشی ڕۆشنبیری و ڕاگەیاندنی پارتی دیموکراتی کوردستان بۆ کۆچی دوایی مامۆستا و نووسەر و وەرگێڕی کورد (ئەحمەد محەممەد ئیسماعیل)

بەڕێز خانەوادەی مامۆستا و وەرگێڕ و چیرۆکنووسی کورد (ئەحمەد محەممەد ئیسماعیل).

بە داخ و پەژارەیەکی زۆرەوە هەواڵی کۆچی دوایی مامۆستا و چیرۆکنووس و نووسەری گەلەکەمان (ئەحمەد محەممەد ئیسماعیل) مان بیست.

بە خەمناکییەوە پرسە و سەرخۆشیی خۆمان ئاراستەی ئێوەی بەڕێز و خزمان و دۆستان و سەرجەم ئەدیب و نووسەران و خوێنەرانی بەرهەمەکانی مامۆستای خوالێخۆشبوو دەکەین و، خۆمان بە هاوبەشی خەمتان دەزانین. 

خوالێخۆشبوو (ئەحمەد محەممەد ئیسماعیل) کەسایەتییەکی دیار و بە ئەزموونی نێو بزاڤی ئەدەبی و رۆشنبیریی کوردی بوو، کە به سەخاوەتەوە تەمەنی پڕ بەخششی بۆ بوارەکانی چیرۆک و نووسین و وەرگێڕان تەرخان کرد و لەو بوارانەدا جێدەستی دیار و بەرچاو و لەبیرنەکراوە.

داواکارین خوای گەورە مامۆستای خوالێخۆشبوو بە بەهەشتی بەرین شاد بکات و، ئێوەی بەڕێزیش لە خەم و کۆستی دیکە بەدوور بن.

انا للە و انا الیە راجعون

 

بەشی ڕۆشنبیری و ڕاگەیاندنی

 پارتی دیموکراتی کوردستان

٢٦ـی٤ـی٢٠٢٣