برووسكەی پیرۆزبایی بەشی ڕۆشنبیریی و ڕاگەیاندنی پارتی بۆ ئاژانسی هەواڵی زاگرۆس

برووسكەی پیرۆزبایی بەشی ڕۆشنبیریی و ڕاگەیاندنی پارتی دیموكراتی كوردستان بۆ ئاژانسی هەواڵی زاگرۆس

بەڕێزان بەڕێوەبەر و تەکنیککاران و کادیر و كارمەندانی ئاژانسی هەواڵی زاگرۆس.

بەبۆنەی (١٩)یەمین ساڵوەگەڕی دامەزراندنی (ئاژانسی هەواڵی زاگرۆس) گەرمترین پیرۆزبایی خۆمان ئاراستەی ئێوەی بەڕێز و خوێنەرانی ماڵپەڕەكەتان دەكەین و، ئومێدەوارین بۆ ساڵی داهاتوو بە هەمان پەیامی بەرپرسانە و دڵسۆزانەتان بەردەوام بن و هەنگاوی باشتر بنێن.

ئاژانسی هەواڵی زاگرۆس توانیویەتی لە ماوەی كاركردنیدا وەك كەناڵێكی گرنگ و کارای ئەلكتڕۆنی ڕۆڵی خۆی لە بواری ڕاگەیاندندا ببینێ و لە پانتاییەكی بەرفراواندا بەرنامەی كاری ڕۆژانەی خۆی لە هەواڵ و ڕاپۆرت و وتار بڵاوبكاتەوە و، خزمەت بە ڕاستی و نیشتیمان و دەسکەوتەکانی گەل بکات. 

جارێكی دیكە وێرای پاڵپشتی و پشتیوانیی تەواوی خۆمان بۆ ئاژانسی هەواڵی زاگرۆس، خوازیارین بۆ ساڵی داهاتوو، زیاتر و لە گشت ڕوویەكەوە بەرەو پێش بچن.

هەر سەركەوتووبن لە كار و بەرنامە و چالاكییەكانتان.

 

بەشی ڕۆشنبیریی و ڕاگەیاندنی

 پارتی دیموكراتی كوردستان

 ٢٢ـی٤ـی٢٠٢٣