پرسەنامەی دەزگای رۆشنبیری و راگەیاندنی پارتی بۆ كۆچی دوایی هونەرمەند (گۆڤار ئەنوەر )

بەڕێزان خانەوادەی هونەرمەند ( گۆڤار ئەنوەر )

بەداخ و پەژارەیەكی زۆرەوە هەواڵی كۆچی دوایی هونەرمەندی ناسراوی شاری هەولێر و کوردستان (گۆڤار ئەنوەر )مان بیست، بەو بۆنە خەمناكەوە پرسە و سەرەخۆشی خۆمان ئاراستەی ئێوەی بەڕێز و كەس و كار و بنەماڵەكەتان دەكەین، هەروەها سەرەخۆشی لە هونەرمەندان و هەوادارنی كارە هونەرییەكانی خوالێخۆشبوو دەكەین و، خۆمان بە هاوبەشی  خەمتان دەزانین.

هونەرمەند (گۆڤار ئەنوەر ) بەكاری هونەری و نواندنی پڕ لە تەنز و ئامانجدار و كۆمیدی دڵی  بەشێكی زۆری لە هەواداران و خەڵكی كوردستانی وابەستەی خۆی و كارە هونەرییەكانی كردبوو، هیواخوازین هاوخەمیی دڵسۆزان و هونەرمەندان ببێتە مایەی دڵنەوایی و سەبووریتان و لە خەم و خەفەتتان كەم بكاتەوە.
 

جارێكی دیكە پرسە و سەرەخۆشی خۆمات دووپات دەكەینەوە و لەخودای گەورە داواکارین لە خەم و ئازار و كۆستی دیكە بە دوور بن و گیانی پاکی کاکە (گۆڤار)یش بە بەهەشتی بەرین شاد بکات...

دەزگای رۆشنبیری و راگەیاندنی
پارتی دیموكراتی كوردستان
٢٣ـی ٨ـی٢٠٢٢