پەیامی پیرۆزبایی دەزگای رۆشنبیری و راگەیاندنی پارتی دیموكراتی كوردستان بۆ (١٥)ھەمین ساڵیادی دامەزراندنی رادیۆی دەنگی كوردستان/هەڵەبجە

بەڕێزان/ بەڕێوەبەر و ستافی بەڕێوەبردن و کادیرانی رادیۆی دەنگی كوردستان لە هەڵەبجە 

بەبۆنەی (١٥)ھەمین ساڵیادی  دامەزراندنی رادیۆی (دەنگی كوردستان لە هەڵەبجە) گەرمترین پیرۆزبایی لە ئێوەی بەڕێز و بیسەرانی رادیۆ ئازیزەکەتان دەكەین، وێرای دەستخۆشی هیواخوازین بۆ ساڵی داهاتوو هەنگاوی گەشتر و زیاتر بۆ پێشخستنی رادیۆكەتان بنێن.

دامەزراندنی ئەم رادیۆییە لە ھەڵەبجەی شەھید هەنگاوێكی گرنگ و گونجاو بوو بۆ زیاتر خزمەتكردن بە بواری رۆشنبیری و راگەیاندن لەم دەڤەرە خۆراگرە كە پاشخانێكی دەوڵەمەندی رۆشنبیر و كولتووری هەیە.

بەو بۆنەیەوە جارێكی دیكە پاڵپشتی تەواوی خۆمان بۆ بەرەو پێشتربردنی رادیۆی (دەنگی كوردستان/هەڵەبجە) دووپات دەكەینەوە و هیواخوازین وەکو ھەمیشە مینبەری حەقبێژی و پێشەنگی داکوکیکردن لە خواست و داواکارییەکانی ھاووڵاتیانی خۆشەویستی دەڤەرەکە بن و، هەر بەردەوام و سەرکەوتوو بن. 

 

دەزگای رۆشنبیریی و راگەیاندنی 

پارتی دیموكراتی كوردستان

٢٢ـی ئاداری ٢٠٢١