پرسەنامەی دەزگای رۆشنبیری و راگەیاندنی پارتی دیموكراتی كوردستان بۆ كۆچی دوایی وەرزشوان و میدیاکار (ئەحمەد عەزیز)

بەڕێزان خانەوادەی هەڤاڵ و هاوكارمان(ئەحمەد عەزیز)

  بە خەم و پەژارەیەكی زۆرەوە گوێ بیستی هەواڵی کۆچی دوایی هەڤاڵ و هاوكارمان، میدیاكاری بواری وەرزشی(ئەحمەد عەزیز)بووین، کە بەداخەوە بەھۆی رووداوی ئۆتۆمبێل خۆی و ھاوژین و کوڕێکی ماڵئاواییان لە ژیان کرد. بەو بۆنە خەمناكەوە پرسە  و سەرەخۆشی خۆمان ئاراستەی ئێوەی بەڕێز و كەس و كار و ھەڤاڵ و ھاوکارانی خوالێخۆشبوو دەكەین و خۆمان بە هاوبەش و شەریكی خەمتان دەزانین.

خوالێخۆشبوو(ئەحمەد عەزیز) كەسایەتی ناسراو و دیاری بواری وەرزشیی شاری ھەولێر و كوردستان، ئەندامی ناوبژیوانانی كوردستان و ناوبژیوانی پلەیەكی عیراق و، هەروەها ئەندامی دەستەی نووسەرانی(گۆڤاری گوڵان)بوو، لە ھەردوو بواری وەرزشی و رۆژنامەوانی خزمەتێكی زۆر و بەرچاوی پێشکەش كردووە بۆیە لەدەستدانی خەسارەتێکی گەورەیە.

 ئومێدەوارین هاوخەمیی و هاوسۆزیی هەڤاڵانی و وەرزشوانان و هاوپیشەكانی و دۆست و ئاشنایانی ببێتە مایەی دڵنەوایی و سەبووری خانەوادەكەتان و لە خە م و خەفەتتان كەم بكاتەوە.

 جارێكی دیكە پرسە و سەرەخۆشی خۆمان دووپات دەكەینەوە  و هیواخوازین لە یەزدانی مەزن سەبوریی هەموو لایەك بدات و جێگای هەڤاڵی كۆچكردوویش بەهەشتی بەرین بێت...

 

انا لله وانا الیە راجعون

 

دەزگای رۆشنبیری و راگەیاندنی

 پارتی دیموكراتی كوردستان

٧ـی٨ـی٢٠٢٠