راگەیاندنی پارتی پەیامێکی پیرۆزبایی ئاراستەی چاپخانەی خانی دەکات

پەیامی پیرۆزبایی دەزگای رۆشنبیری و راگەیاندنی پارتی دیموكراتی كوردستان

بەبۆنەی (٢٤)ەمین ساڵەی دامەزراندنی چاپخانەی خانی
   
بەڕێزان/ بەڕێوەبەر و تەکنیککاران و كارمەندانی چاپخانەی خانی

بەبۆنەی (٢٤)ەمین ساڵیادی دامەزراندنی چاپخانەی خانی پیرۆزباییەكی گەرمتان لێدەكەین و هیوادارین هەردەم بەردەوام و سەرکەوتوو بن لە هەوڵ و كارەكانتان بۆ پێشخستن و زیاتر برەودان بە بواری چاپ و چاپەمەنی.
 
دامەزراندنی چاپخانەی خانی لە ٥ـی ئابی ١٩٩٦ کە لەسەرەتادا ناوی چاپخانەی خەبات بوو دەسكەوتێكی دیكەی گرنگ و پڕبایەخی پارتیمان بوو لە بواری چاپ و چاپەمەنیدا بۆ دەوڵەمەندكردنی كتێبخانەی كوردیی و، هەروەها برەودان بە رەوتی رۆشنبیریی و كولتووریی لە رێگەی چاپكردنی كتێب و بەرهەمی نووسەر و ئەدیب و رۆشنبیران، لەو لایەنەشەوە رۆڵ و کاریگەریتان جێگای شانازی و سوپاسە...

لەم یادەدا جارێکی دیکە پشتیوانی تەواوی خۆمان بۆ هەوڵ و كۆشش و كارەكانتان دووپات دەكەینەوە و هیوای بەردەوامی و ھەمیشە پێشکەوتنتان بۆ دەخوازین...

دەزگای رۆشنبیری و راگەیاندنی
پارتی دیموكراتی كوردستان
٥ـی٨ـی٢٠٢٠
--