راگەیاندنی پارتی پیرۆزبایی لە رادیۆی دەنگی كوردستان.زاخۆ دەکات

هەولێر-KDP.info-  دەزگای رۆشنبیری و راگەیاندنی پارتی دیموكراتی كوردستان پەیامێکی پیرۆزبایی ئاراستەی رادیۆی دەنگی كوردستان/زاخۆ دەکات کە ئەمە دەقەکەیەتی:

بەڕێزان/ بەڕێوەبەر و کادیر و كارمەندانی رادیۆی دەنگی كوردستان لە زاخۆ

بەبۆنەی (26)ەمین ساڵوەگەڕی دامەزراندنی رادیۆی دەنگی كوردستان/زاخۆ گەرمترین پیرۆزبایی لە ئێوە و بیسەرانتانی رادیۆ ئازیزەکەتان دەكەین و، وێرای سوپاس و دەستخۆشی لە كارو بەرنامەكانتان، هیوای بەردەوامیتان بۆ دەخوازین.

دامەزراندنی ئەو رادیۆیە بە بڕیارو رێنمایی سەرۆك بارزانی بەر لە (26) ساڵ و وەك یەكەمین كەناڵی رادیۆیی بۆ ئەو دەڤەرە دەلالە، هەنگاوێكی گرنگ و پێویست بوو بۆ خزمەتگەیاندن بە هاووڵاتیان و بواری رۆژنامەگەریی بیستراو، هەروەها بە بواری كوولتوری و رۆشنبیری و میدیایی.

لەم یادەدا وێڕای پیرۆزبایی گەرممان، جارێكی دیكە پاڵپشتی و پشتیوانی تەواوی خۆمان بۆ رادیۆی دەنگی کوردستان لە زاخۆ دووپات دەكەینەوە و ھیوادارین وەک ھەمیشە رادیۆی خزمەت و دەنگی جەماوەی سەربەرزی زاخۆ بن و سەركەوتنی زیاتر لە كارەكانتان بەدەست بێنن...

دەزگای رۆشنبیریی و راگەیاندنی

پارتی دیموكراتی كوردستان