بارەگای بارزانی سەرەخۆشی لە خانەوادەی كەمال ئامێدی دەكات

 

بە ناوی خودای گەورە و میهرەبان

 

خانەوادەی خوالێخۆشبوو هەڤاڵ كەمال ئامێدی

 

بە دڵگرانییەكی زۆرەوە هەواڵی كۆچی دوایی هەڤاڵ (كەمال ئامێدی) بەرپرسی لیژنەی ناوچەی لەندەنی پارتی دیموكراتی كوردستانمان پێگەیشت.

 

هەڤاڵ كەمال ئامێدی، كادیرێكی دڵسۆز و بەئەمەك بوو بۆ رێبازی كوردایەتی و هەمیشە وەك داكۆكیكارێكی رەوەندی كوردی لە تاراوگە كاری دەكرد و لەدەستدانی هەڤاڵێكی ماندوونەناسی وەك كەمال ئامێدی خەمباری كردین.

 

بەم بۆنە خەمناكەوە، هاوبەشی خەممان بۆ خانەوادە بەڕێز و تێكۆشەرەكەیان رادەگەیەنین و سەرەخۆشی ئاڕاستەی خزم و دۆست و هەڤاڵانی و رەوەندی كوردی لە بەریتانیا دەكەین.

 

لە خودای گەورە داواكارین ئارامی و دڵنەوایی بە هەموو لایەك ببەخشێت و خوالێخۆشبوو بە بەهەشتی بەرینی خۆی شاد بكات.

 

اناللە وانا الیە راجعون.

 

بارەگای بارزانی