بارەگای بارزانی سەرەخۆشیی لە خانەوادەی سه‌عید یه‌حیا خه‌تات دەکات

 

به‌ناوی خودای گه‌وره و میهره‌بان

به‌رێز ئه‌ژی سه‌عید یه‌حیا خه‌تات

به‌دڵگرانیه‌کی زۆره‌وه‌ هه‌واڵی کۆچی دوایی نوسه‌ر و رۆشنبیری گه‌له‌که‌مان(سه‌عید یه‌حیا خه‌تات)ی باوکی به‌ڕێزتانمان پێگه‌یشت.

سه‌عید یه‌حیا خه‌تات له‌ چه‌ند وێستگه‌یه‌کی کاری رۆژنامه‌وانی به‌تایبه‌تی وه‌ک سه‌رنووسه‌ری رۆژنامه‌ی (خه‌بات) و (صوت الاخر) رۆڵێکی به‌رچاوی هه‌بووه‌ له‌ خزمه‌تکردنی هه‌ستی نه‌ته‌وایه‌تی و نیشتیمانی و هۆشیاری رۆشنبیریدا. له‌ده‌ستدانی نوسه‌رێکی راستگۆی وه‌ک کاک سه‌عید خه‌تات بۆشایه‌کی گه‌وره‌یه‌ له‌ بواری رۆژنامه‌نووسی کوردیدا.

به‌م بۆنه‌ خه‌مناکه‌وه‌  هاوبه‌شی خه‌می ئێوه‌ و خانه‌واده‌ و خزم و دۆستانتانین و سه‌ره‌خۆشی ئاڕاسته‌ی رۆژنامه‌نووسان و رۆشنبیریانی کوردستان ده‌که‌ین.
له‌ خودای گه‌وره‌ داواکارین ئارامی و دڵنه‌وایی به‌هه‌موو لایه‌ک ببه‌خشێت و خوالێخۆشبوو به‌ به‌هه‌شتی به‌رینی خۆی شاد بکات.

انالله‌ وانا الیه‌ راجعون
باره‌گای بارزانی