بارەگای بارزانی سەرەخۆشی لە خانەوادەی ئەحمەد عەبدوڵڵا ئاغا دەکات

به‌ناوی خودای گه‌وره‌ و میهره‌بان

به‌ڕێزان له‌ خانه‌واده‌ی ئه‌حمه‌د عه‌بدوڵڵا ئاغا

به‌دڵگرانیه‌كی زۆره‌وه‌ هه‌واڵی كۆچی دوایی (ئه‌حمه‌د عه‌بدوڵڵا ئاغا) كارگێڕی لقی 4ـی پارتی دیموكراتی كوردستان،مان پێگه‌یشت.
ئه‌حمه‌د ئاغا له‌ خانه‌واده‌یه‌كی كوردپه‌روه‌ر و نیشتمانی بوو تا دوا ساته‌كانی ژیان له‌ خه‌باتی حزبایه‌تیدا دڵسۆز و په‌رۆشانه‌ له‌ خزمه‌تی هاووڵاتیان و رێبازه‌كه‌ی بوو.
به‌م بۆنه‌ خه‌مناكه‌وه‌، هاوبه‌شی خه‌ممان بۆ خانه‌واده‌ به‌ڕێزه‌كه‌ی راده‌گه‌یه‌نین و سه‌ره‌خۆشی ئاڕاسته‌ی خزم و دۆست و هه‌ڤاڵانی خوالێخۆشبوو ده‌كه‌ین.
له‌ خودای گه‌وره‌ داواكارین ئارامی و دڵنه‌وایی به‌هه‌موو لایه‌ك ببه‌خشێت و خوالێخۆشبوو به‌ به‌هه‌شتی به‌رینی خۆی شاد بكات.

انالله‌ وانا الیه‌ راجعون