راگەیاندنی پارتی ٢٥ ساڵەی دامەزراندنی رادیۆی دەنگی کوردستان له‌ زاخۆ پیرۆز دەکات

هەولێر-KDP.info-  دەزگای رۆشنبیری و راگەیاندنی پارتی دیموكراتی كوردستان بەبۆنەی بیست و پێنج ساڵوەگەڕی دامەزراندنی رادیۆی دەنگی كوردستان لە زاخۆ پەیامێکی پیرۆزبایی ئاراستەی بەڕێوەبەر و کادیر و کارمەندانی رادیۆکە کرد کە ئەمە دەقەکەیەتی:

بەڕێزان/ بەڕێوەبەر و کادیر و کارمەندانی رادیۆی دەنگی كوردستان/زاخۆ

بەبۆنەی (25)یەمین ساڵوەگەڕی دامەزراندنی رادیۆی دەنگی كوردستان لە زاخۆ، گەرمترین پیرۆزبایی لە ئێوەی تێکۆشەر و بیسەرانی  رادیۆ ئازیزەکەتان دەكەین، وێرای سوپاس و دەستخۆشیمان هیواخوازین هەردەم بەردەوام بن لە بەرجەستكردنێكی راستگۆیانەی ئەو پەیام و كارنامەیەی پەیرەوی دەكەن و كاری بۆ دەكەن.

دامەزراندنی ئەو ئێزگەیە بە بڕیارو رێنمایی جەنابی سەرۆك بارزانی بەر لە (25) ساڵ و وەك یەكەمین كەناڵی رادیۆیی هەنگاوێكی گرنگ و گونجاو و بەسوود بوو بۆ ئەو دەڤەرە دەلالەو خزمەتگەیاندن بەو بوارەو هۆشیاركردنەوەی كۆمەڵگەو برەودانی زیاتر بە  بواری كوولتوری و رۆشنبیری و میدیایی.

بەو بۆنەیەوە جارێكی دیكە پاڵپشتی خۆمان بۆ بەرەو پێشتربردنی ئێزگەی دەنگی كوردستان/زاخۆ دووپات دەكەینەوە و هەر سەركەوتوو بن

.دەزگای رۆشنبیری و راگەیاندنی

پارتی دیموكراتی كوردستان