پرسەنامەی راگەیاندنی پارتی بۆ کۆچی دوایی هونەرمەند محەمەد عەلی ئەترووشی

 

بەڕێزان خانەوادەی رۆژنامەوان و هونەرمەند(محەمەد عەلی ئەتروشی)

بەداخ وپەژارەیەكی زۆرەوە هەواڵی كۆچی دوایی رۆژنامەوان و هونەرمەند(محەمەد عەلی ئەتروشی) مان بیست، بەو بۆنەیەوە پرسە و سەرەخۆشی خۆمان ئاراستەی ئێوەی بەڕێز و كەس وكار و بنەماڵەكەتان دەكەین و خۆمان بە هاوبەشی خەمتان دەزانین.

هونەرمەند و رۆژنامەوان (محەمەد عەلی ئەتروشی) هەر لەسەرەتای نەوەتەكانەوە لە رادیۆ و تەلەفزیۆنی دهۆك وەك كادیرێكی چالاك و دیار لە رووی هونەری و رۆژنامەوانیەوە دەستی بەكاركردووەو كاروچالاكیی و بەرهەمەكانی لەو رووەوە دیاروبەرچاون. 

بە كۆچی دوایی ئەو رۆژنامەوان و هونەرمەندە  كەلێنێكی دیكە كەوتە نێو بواری هونەرو رۆشنبیریی كوردی.. هیواخوازین هاوخەمیی رۆشنبیران و دڵسۆزان و هۆگرانی بەرهەم و كارەكانی كۆچكردوو ببێتە مایەی دڵنەوایی و سەبووریتان و لە خە م و پەژارەتان كەم بكاتەوە.

 

جارێكی دیكە پرسە و سەرەخۆشی خۆمات دووپات دەكەینەوە و لەخودای گەورە داواكارین سەبووری وئارامی بەهەموو لایەك ببەخشێت وگیانی كۆچكردویش بەبەهەشتی بەرین شاد بكات..

انا لله وانا الیه راجعون

دەزگای رۆشنبیریی و راگەیاندنی پارتی دیموكراتی كوردستان

4/9/2018