پیاوان و ئافرەتانی کەمپی دیبەگە جلوبەرگیان پێشکەش دەکرێت

 

هەولێر-KDP.info-  دەزگای خێرخوازیی بارزانی لە درێژەی پرۆژەکانیدا لەگەڵ مانگی سووری ئیمارات، لە کەمپی دیبەگە ١، پارەی کاش و جلوبەرگی پێشکەش بە خێزانەکانی دانیشتووی کەمپەکە کرد.

 

ڕێکەوتی ٤/٨/٢٠١٨ لە لایەن دەزگای خێرخوازیی بارزانی و مانگی سووری ئیماراتەوە جلوبەرگ و پارەی کاش پێشکەشی ئافرەتان و پیاوانی کەمپی دیبەگە یەک کرا. لەو پرۆژەیەدا ١٧١٣ خێزان کە بەرانبەرە بە ٩١٦٢ کەس سوودمەند بوون و پێداویستییەکانیان وەرگرت.

 

بڕی پارەی کاشی دابەشکراو لەم پرۆژەیەدا دەکاتە بڕی پەنجا و یەک ملیۆن و نۆسەد و سی هەزار (٥١٩٣٠٠٠٠) دیناری عێراق کە پێشکەشی سەرجەم خێزانەکانی کەمپی دیبەگە ١ کرا.

 

دەزگای خێرخوازیی بارزانی بەردەوام دەبێت لە هاوکارییەکانی لە کەمپەکان و دەرەوەی کەمپەکاندا و بە هاوکاری و هاوبەشیی ڕێکخراو و ناوەندە هاوشێوەکانی هەوڵ دەدات زۆرترین خێزانی لێقەوماو و هەژار و کەمدەرامەت سوودمەند بکات.