دەزگای بارزانی هاوکاریی منداڵانی کرد

هەولێر-KDP.info- بە بۆنەی یەکی جوون، ڕۆژی جیهانیی منداڵانەوە، دەزگای خێرخوازیی بارزانی پێداویستیی پێشکەش بە نەخۆشخانەی لە دایکبوون و منداڵان لە هەولێر کرد.

 

ئەمڕۆ ڕێکەوتی ٢/٦/٢٠١٨ بە بۆنەی ڕۆژی جیهانیی منداڵانەوە، دەزگای خێرخوازیی بارزانی کۆمەڵیک پرۆژە بەڕێوە دەبات و لە نێویاندا پێداویستیی گەیاندە ئەو منداڵانەی لە نەخۆشخانەی لەدایکبوون و منداڵان لە هەولێر لە ژێر چاودێریی پزیشکیدان.

 

هەر ئەمڕۆ ڕێکەوتی ١ی جوونی ٢٠١٨، ڕۆژی جیهانیی منداڵان، تیمەکانی دەزگای خێرخوازیی بارزانی لە شیلادزێ چالاکییەکیان بە بۆنەی ئەو ڕۆژەوە بەڕێوە برد و شیری قوتوو و دیارییان بەسەر ١٠٠ منداڵدا بڵاو کردەوە.

 

ساڵانە دەزگای خێرخوازیی بارزانی بە بۆنەی ڕۆژی جیهانیی منداڵانەوە چەندین چالاکی و پرۆژەی خێرخوازی بەڕێوە دەبات و هاوکاری و دیاریی جۆراوجۆر پێشکەش بە منداڵان دەکات.

 

لە چالاکییەکی دیکەدا، ئەمڕۆ ڕێکەوتی ٣١/٥/٢٠١٨ دەزگای خێرخوازیی بارزانی لە درێژەی کاروانی هاوکارییەکانیدا بۆ ناو شاری مووسڵ، بە هاوکاریی دەوڵەتی ئیمارات پێداویستیی خۆراکی و هاوکاریی کاشی بەسەر ١١٢١ خێزانی ناو شاری مووسڵدا دابەش کرد.

 

ڕەوشی ژیان لە ناو شاری مووسڵدا هێشتا نائاساییە و ئەم جۆرە هاوکارییانە، پاڵپشتییەکی باشە بۆ خێزانەکان لە مانگی ڕەمەزاندا.