مه‌كته‌بی سه‌رۆك سه‌ره‌خۆشی له‌ خانەوادەی محەمەد ساڵح میکائیل هەرکی ده‌كات

بەڕێزان خانەوادەی خوالێخۆشبوو محەمەد ساڵح میکائیل هەرکی
بەداخەوە هەواڵی کۆچی دوایی پێشمەرگەی شۆڕشی مەزنی ئەیلوول و دڵسۆزی ڕێبازی بارزانی و کەسایەتیی دیار و ناوداری هۆزی هەرکی، محەمەد ساڵح میکائیل هەرکی - مان پێگەییشت. لەم بۆنە خەمناکەدا پرسە و سەرەخۆشیی خۆمان ئاراستەی خانەوادە بەڕێزەکەتان و سەرجەم خزمان و کەسوکارتان دەکەین و خۆمان بە هاوبەشی خەمتان دەزانین.
لە خوای گەورە داواکارین گیانی کاک محەمەد بخاتە بەر ڕەحمەتی خۆی و ئارامی و ئۆقرەییش بەهەموو لایەک ببەخشێت.

انا للە وانا الیە راجعون

مەکتەبی سەرۆک