پارتی ١٢ ساڵەی دامەزراندنی تەلەفزیۆنی دەلال لە زاخۆ پیرۆز دەکات

هەولێر-KDP.info-  دەزگای رۆشنبیریی و راگەیاندنی پارتی دیموكراتی كوردستان بۆ(12)ەمین ساڵیادی دامەزراندنی تەلەفزیۆنی دەلال لە زاخۆ پەیامێکی پیرۆزبایی ئاراستەی بەڕێوەبەر و کارمەندانی تەلەفزیۆنەکە کرد کە ئەمە دەقەکەیەتی:

 

  بەڕێزان/ بەڕێوەبەر و سەرجەم کادیر و كارمەندانی تەلەفزیۆنی دەلال..

   لە بیرەوەری (12)یەمین ساڵیادی دامەزراندنی (تەلەفزیۆنی دەلال) پیرۆزباییەكی گەرم ئاراستەی ئێوەو بینەرانی كەناڵەكەتان دەكەین، هیوادارین بە چاكترین و مۆدێرینترین شێوە لە كاروبارو ئەركی رۆژانەتان هەردەم لە پێشكەوتن و سەركەوتنی بەردەوام دابن بۆ خزمەتگەیاندن بە كوولتورو رۆشنبیریی نەتەوەییمان. 

  لەو بۆنەیەدا خوازیارین زیاتر و لە گشت روویەكەوە بەرەو پێش بچن و پیشەوەرانەو راستگۆیانە زیاتر برەو بە پرۆسەی میدیایی و كولتووری رەسەنی كوردی بدەن لەو دەڤەرە ئازیزەداو هەردەم مایەی خۆشحاڵی و رەزامەندی بینەرانتان بن. 

  دووبارە دەستخۆشی و پشتیوانی خۆمان بۆ پتر بەرەوپێشچوونی تەلەفزیۆنەكەتان دووپات دەكەینەوەو بە هیوای بەرهەم وبەخششی چاكترو زۆرتر..هەر سەرکەوتووبن.

دەزگای رۆشنبیریی و راگەیاندنی

پارتی دیموكراتی كوردستان

10/4/2018