مەکتەبی سەرۆک سەرەخۆشیی لە خانەوادەی ئەحمەد نەبی دەکات

بەڕێزان خانەوادەی خوالێخۆشبوو ئەحمەد نەبی حاجی ئۆمەرانی

بەداخەوە هەواڵی کۆچی دوایی کەسایەتیی  تێکۆشەر و ناوداری باڵەکایەتی، کاک کەریم ئەحمەد نەبی ناسراو بە کەریم ئاغای حاجی ئۆمەرانیمان پێگەییشت. لەم بۆنە خەمناکەدا سەرەخۆشی لە خانەوادە تێکۆشەرەکەتان و سەرجەم خزم و کەسوکارتان و هاوڕێیانی خوالێخۆشبوو دەکەین و خۆمان بە هاوبەشی خەمتان دەزانین.

لە خوای گەورە داواکارین گیانی کاک کەریم ئاغا بخاتە بەر دلۆڤانیی خۆی و دڵنەوایی و ئارامییش بە هەموولایەک ببەخشێت.

   انا للە وانا الیە راجعون
مەکتەبی سەرۆک