قوتابی لە سلێمانی جانتا و پێداویستیی خوێندنیان پێشکەش دەکرێت

سلێمانی-KDP.info- ٤٨٨ قوتابیی ١٧ قوتابخانەی بنەڕەتیی گوندەکانی سەر بە شارەدێی بازیانی سلێمانی لە لایەن دەزگای خێرخوازیی بارزانییەوە جانتا و پێداویستیی خوێندنیان پێشکەش دەکرێت.

ئەمڕۆ ڕێکەوتی ٢٤/١٠/٢٠١٧ دەزگای خێرخوازیی بارزانی  لە درێژەی هەڵمەتی هاوکارییەکانی بۆ قوتابیانی بنەڕەتیی سەرتاسەری هەرێمی کوردستان، چالاکییەکی بەرین بۆ قوتابیانی سنووری پەروەردەی سلێمانی بەڕێوە دەبات و جانتا و پێداویستیی خوێندن پێشکەش بە ٤٨٨ قوتابیی بنەڕەتیی پۆلەکانی ١ هەتا ٦ی ١٧ گوندی سەر بە بازیان دەکات.

لە دەستپێکی ساڵی خوێندنی نوێوە، دەزگای خێرخوازیی بارزانی لە قوتابخانەی ڕۆژهەڵاتی بنەڕەتی لە هەولێر قۆناغێکی نوێی هاوکارییەکانی خۆی لە سێکتەری پەروەردەدا ڕاگەیاند و لەم قۆناغەدا ٥٠ هەزار قوتابیی پۆلەکانی یەک هەتا شەشی بنەڕەتی سوودمەند دەبن.