دەزگای بارزانی هاوکاری ژمارەیەک خێزانی کەمدەرامەتی لە هەولێر و کەلار کرد

هەولێر-KDP.info-  دەزگای خێرخوازیی بارزانی لە درێژەی کار و چالاکییەکانیدا بە بۆنەی مانگی ڕەمەزانی پیرۆزەوە هاوکاریی گەیاندە ٤٠٠ خێزانی کەمدەرامەت لە هەولێر و، هاوکات هاوکاریی ژمارەیەکی دیکەیشی لە کەلار کرد.

شەوی ١٦ی ڕەمەزان، ڕێکەوتی ١١/٦/٢٠١٧ تیمەکانی دەزگای خێرخوازیی بارزانی لە درێژەی هاوکارییەکانیان بە بۆنەی مانگی ڕەمەزانی پیرۆزەوە پارسێلی خۆراکیان گەیاندە ئەو خێزانانەی کەمدەرامەتن و بژێوی ژیانیان خراپە.

جێی ئاماژەیە لەو چالاکییەدا ٤٠٠ خێزانی کەمدەرامەت لە شاری هەولێر سودمەند بوون و چالاکییەکە بە درێژایی شەوانی ڕەمەزان درێژەی دەبێت.

دەزگای خێرخوازیی بارزانی لە دەستپێکی مانگی ڕەمەزانەوە هەتا ئێستا هاوکاریی خۆراکی پێشکەشی ٢٤٠٠ قوتابی و ١١٥٠ خێزانی کەمدەرامەت کردووە.

لە چالاکییەکی دیکەیشدا  لە کەلار، ڕێکەوتی ١١/٦/٢٠١٧بە بۆنەی مانگی ڕەمەزانی پیرۆزەوە تیمەکانی دەزگای خێرخوازیی بارزانی  پارسێلی خۆراکیان گەیاندە ١٤٠ خێزانی کەمدەرامەت.