هاوکاری دەگەیەنرێتە ٤٠٠٠ خێزانی ئاوارە

حەسەنشام-KDP.info-  دەزگای خێرخوازیی بارزانی بە هەماهەنگیی وەزارەتی کۆچ و کۆچبەرانی عێراق، هاوکاریی بۆ ٤٠٠٠ خێزانی ئاوارەی نەینەوا و دەوروبەری دابین کرد.

ڕێکەوتی ٧/٥/٢٠١٧ تیمەکانی دەزگای خێرخوازیی بارزانی بە هەماهەنگیی وەزارەتی کۆچ و کۆچبەرانی عێراق لە کەمپی چەمەکۆر چالاکییەکی خێرخوازییان بەڕێوەبرد و لە چالاکییەکەدا ٢٤٠٠ خێزانی ئاوارە سوودمەند بوون، هاوکارییەکان بریتی بوون لە پریاسکەی خۆراک و پێداویستیی خاوێنکەرەوە و تەندروستی.

هەر لە هەمان ڕۆژدا، تیمەکانی دەزگای خێرخوازیی بارزانی بە هەماهەنگیی وەزارەتی کۆچ و کۆچبەرانی عێراق لە حەسەنشام هاوکاریی خۆراکیان بۆ ١٦٠٠ خێزانی ئاوارەی دیکە دابین کرد.