چارەسەری پزیشکی بۆ ١٠٨ پێشمەرگە کرا

هەولێر-KDP.info-  دەزگای خێرخوازیی بارزانی و تیمێکی پزیشکیی زانکۆی هەولێری پزیشکی- کۆلێژی ددان لە چالاکییەکدا چارەسەر و پشکنینی پزیشکییان بۆ ١٠٨ پێشمەرگە کرد.

ڕێکەوتی ٦/٥/٢٠١٧ بە مەبەستی خزمەتکردنی پێشمەرگەکانی سەنگەری پێشەوەی بەرگری، تیمێکی پزیشکیی دەزگای خێرخوازیی بارزانی و زانکۆی هەولێری پزیشکی چارەسەر و پشکنینیان بۆ ددانی ١٠٨ پێشمەرگە لە میحوەری گوێر-باقرت کرد.

لە چالاکییەکەدا بۆ چارەسەری پێشمەرگەکان سوود لە نەخۆشخانەی گەڕۆک وەرگیرا و لە ڕێی کۆمەڵێک پزیشکی پسپۆڕەوە خزمەتگوزارییەکانی کێشان و پڕکردنەوە و شۆردنی ددان بۆ پێشمەرگەکان ئەنجام درا.