راگەیاندنی پارتی پیرۆزبایی لە تەلەفزیۆنی دەلال لە زاخۆ دەکات

هەولێر-KDP.info-  ده‌زگای رۆشنبیریی و راگه‌یاندنی
پارتی دیموكراتی كوردستان بەبۆنەی ١١ ساڵەی دامەزراندنی تەلەفزیۆنی دەلال لە زاخۆ، پەیامێکی پیرۆزبایی ئاراستەکردن کە ئەمە دەقەکەیەتی:

به‌ڕێزان به‌ڕێوه‌به‌روهونه‌ركاران وكارمه‌ندانی ته‌له‌فزیۆنی ده‌لال له‌ زاخۆ..

له‌ ساڵڕۆژی دامه‌زراندنی ته‌له‌فزیۆنی ده‌لال  گه‌رمترین پیرۆزباییتان  لێده‌كه‌ین و هیوای به‌رده‌وام بوون و پێشڤه‌چوونتان له‌ هه‌موو روویه‌كه‌وه‌ بۆ ده‌خوازین.

  ته‌له‌فزیۆنی ده‌لال، كه‌ كه‌ناڵێكی ناوخۆیی كوردستانیه‌ له‌ شاری زاخۆ، خودان  په‌یامێكی روون و راستگۆیانه‌یه‌ له‌ پێناو خزمه‌تكردنی بواری میدیاوكولتوری نه‌ته‌وه‌ییمان و زیاتر قووڵكردنه‌وه‌ی گیانی برایه‌تی و ته‌بایی و پێكه‌وه‌ ژیان له‌و ده‌ڤه‌ره‌ ئازیزه‌دا.

  وێرای ده‌ستخۆشیمان له‌ هه‌وڵ و كۆشش و ماندووبونتان، پشتیوانی خۆمان بۆ زیاتر پێشكه‌وتنی كه‌ناڵه‌كه‌تان دووپات ده‌كه‌ینه‌وه‌وئومێده‌وارین شانبه‌شانی كه‌ناڵ وداموده‌زگاكانی دیكه‌ی میدیایی هه‌نگاوی باشتر بنێن و ئه‌ركی سه‌رشانی خۆتان ئه‌نجام بده‌ن بۆ پته‌وكردن و داكۆكیكردن له‌و ئه‌زموونه‌ و پاراستنی ده‌سكه‌وته‌كانمان  و به‌دیهاتنی سه‌رجه‌م مافه‌ ره‌واكانمان.

جارێكی دیكه‌ پیرۆزبێت (11)هه‌مین ساڵیادی دامه‌زراندنی ته‌له‌فزیۆنی ده‌لال، به‌رده‌وامی و سه‌ركه‌وتنتان بۆ ده‌خوازین..

ده‌زگای رۆشنبیریی و راگه‌یاندنی
پارتی دیموكراتی كوردستان
9/4/2017