نه‌خۆشانی ئۆتیزمی سنووری شارۆچكه‌ی ئاكرێ هاوكاری کران

ئاکرێ-KDP.info-  ده‌زگای خێرخوازیی بارزانی له‌ ڕۆژی جیهانیی نه‌خۆشیی ئۆتیزمدا، له‌ سنووری پارێزگای دهۆك هاوكاری و پێداویستیی به‌سه‌ر 33 نه‌خۆشی ئۆتیزمدا دابه‌ش كرد.

ڕێكه‌وتی (2/4/2017) له‌ ڕۆژی جیهانیی نه‌خۆشانی ئۆتیزمدا، ده‌زگای خێرخوازیی بارزانی له‌ زۆربه‌ی بۆنه‌ جیهانییه‌كاندا، چالاكیی جۆراوجۆری به‌ڕێوه‌برد و، له‌و پێوەندییەشدا له‌ شارۆچكه‌ی ئاكرێ، له‌ سنووری پارێزگای دهۆك، به‌ هه‌ماهه‌نگی له‌گه‌ڵ به‌ڕێوه‌به‌رایه‌تیی چاودێریی كۆمه‌ڵایه‌تی له‌ مه‌راسیمێكدا پارسێلی خۆراك و جلوبه‌رگی به‌سه‌ر 33 نه‌خۆشی ئۆتیزمی ئه‌و سنووره‌دا دابه‌ش كرد.