ده‌زگای خێرخوازیی بارزانی به‌ هانای ٤٥٠ خێزانی ئاواره‌وه‌ چوو

خازر-KDP.info-  له‌ كه‌مپی سێودینان (خازر٢)، تیمه‌كانی ده‌زگای خێرخوازیی بارزانی به‌ هانای ٤٥٠ خێزانی ئاواره‌ی شاری مووسڵه‌وه‌ چوو و هاوكاریی كردن.

له‌ كه‌مپی سێودینان (خازر ٢) كه‌ تایبه‌ته‌ به‌ ئاواره‌كانی شاری مووسڵ و ناوچه‌كانی ده‌ورووبه‌ری، كه‌ به‌هۆی ئۆپه‌راسیۆنه‌كانی ئازادكردنی شاره‌كه‌یانه‌وه‌ ماڵه‌كانیان به‌جێهێشتوه ‌و روویان له‌ كه‌مپه‌كه‌ كردووه‌، ده‌زگای خێرخوازیی بارزانی كه‌ ئه‌ركی به‌ڕێوه‌بردنی كه‌مپه‌كه‌ی پێ سپێردراوه‌، له‌ هه‌ڵمه‌تێكی فراواندا تیمه‌كانی ده‌زگا هه‌ستان به‌ دابه‌شكردنی پێداویستییه‌ رۆژانه‌ییه‌كان له‌وانه‌، دابه‌شكردنی پارسێلی پاككه‌ره‌وه‌ له‌گه‌ڵ شه‌ربه‌ت و گۆشتی سوور به‌سه‌ر ٤٥٠ خێزانی نێو كه‌مپه‌كه‌ دا.